Shirka Kismaayo ma fashilmay mise waa kashifmay…????
Mahdi Muse
mahdimuse@hotmail.com
Janaayo 21 2015
Cinwaanka Shirka waa Hiigsiga 2016, qorshaha doorashada & waliba qaabka ay dawladdu noqon, wajiga ka muuqdase waxuu ahaa mid ka duwan, oo u dhigan shirka awood qeybsiga Beelaha Soomaaliyeed, taa oo la dhihi karo, waa mid noociisa ugu horeeyay oo ay soomaali qabsato, ama loo qabto.
Awood qeybsiga soomaaliya, waa goobta ay sirrtu ka quruntay, waxaana oran karnaa waa dhex galka hardanka Siyaasi ee soomaaliya, taa oo waqtigeedu uu Qarni ku dhow yahay. dagaalka siyaasi ee ka dhaxeeya soomaalidu waa mid u dhigan qaab qabiil, waxaa uu kulan saday tiro dad ah oo magac & deegaan wadaagta, haddana leh qorshe siyaasi oo aan dhaafsiisneyn waxa ay rabaan bes, tusaale, deegaanka reeer hebel (ReerLand) waa Maamul dhisan, oo qorshe siyaasi ka leh Hiigsiga 2016, laakin qorshahaa ma ahan mid xaald ahaan u jooga deegaankooda, waa mala,awaal loo diyaariyay shirarka awood qeybsi ee dalka, si beeshu sad burrsi u hesho, waana qorshe inta dalka bur-bursanaa loo aqrinayay bulshada deegaanka, halka qaarkood ay u arkeen muqadas u dhigan kitaabka Qur,aanka oo aan la dhaafi Karin, haddi la dhaafana beesha la khiyaamay oo la hoojiyay, fahmkan waa midka noo fasiraya waxii ka dhacay shirka kismaayo & natiijo la,aanta uu ku dhamaaday, taaa oo abuurtay su,aalo & qoraalo badan oo aan is iri waa hareeer mareeen Jawaabteedi saxda ah .
Shirka madasha wadatashiga qaran waa uu badnaa, Billowgii dadku waxay ku daaleen doorasho qof & cod waa muhim, Xisbiyada mucaaradka qaarkood ayaa ka dhigtay Ajande siyaasi oo ay ku quutaan, wax buufis u eg ayuu ahaa in lagu fakaro doorasho qof & ocd xilligan, iska daa Aduunka uu u baahan yahay, qofka soomaaliga ma u diyaarsan yahay in uu codkiisa dhiibto..?? waxaa jira jiil dhan oo aan cod laheyn, Intii dhalatay dabayaaqadi qarnigii tagay, oo bulshada uga dhigan 30% waa haddan yareyno, codkooodu waa kan beeshoooda (waa cod buray) sidoo kale inta hartayna waa la mid, oo kas & ogaal ayuu beeshiisa ugu codeyn, maxaa yeelay saaxada siyaasadeed ee soomaaliya waxaan qabiil aheyn ma yaalo, 4.5 waa tirade beelaha ee soomaliya, waliba dowladdeena ayaa hadda ku dhisan, sidaa ayaa jabaq la,aan looga gudbay xeerkii ahaa doorasho qof & cod, laakin waxaa lagu xiiqay waxii lagu badali lahaa, taa oo aheyd muhiimadda ugu badan ee loo qabanayay shirarka wada tashi ee Qorshaha 2016.
Shirkan waxuu ku soo aaday xaalad siyaasadeed oo ka duwan kuwii hore, waxaa inta badan dhameystirmay maamul goboleedyadi, waxaa ayana mideysan hey,adaha dowladda, sida Golaha wasiirada, Golaha Shacabka & Aqalka Madaxtooyada, taa waxa ay fursad siisay Madaxweyne Xasan sheikh, waxaa sii dheer kalsoonida uu ka helay madaxda maamul goboleedyada qaar, si gaarr ah kuwa uu asaga dhisay, oo ay u badan tahay in ballan wadaag la yahay, intaa waxaa sii raaca, in Isdiidka siyaasi uu noqday mid lagu daalay oo waliba dhacay, beesha caalamka oo u dhigan awoodda dhabta ah ee dalka, ayaduna waxay xoogga saartay ama ay ku talo bixisay in aan wax la isku diidin, haddii la isku diidana aan la kala xanaaqin, waa suuro gal in ay bixiyeen siminaaro tusaya in aad codkaado dhiibato, laakiin aadan xanaaqin, oo aadan warbaahinta ka naaalooon, intaba waxay koobtay khilaafka dhabta ah ee ka jira qaabka awood qeybsi ee dalka, waxayna abuurtay is faham hoggaamiyaasha Jiilka cusub. Laakin su,aasha taagan ayaa ah maxaa gogosha shirka badiyay, meer-meerkana keenay…???
Shirkii wada tashi ee Muqdisho u dambeeyay,Mudane Axmed Madoobe waxuu soo jeediyay in afka soomaaliga lagu hadlo, Laaakiin Mudane Key afkiisa ayuu ku hadlay, waxuu sheeegay in aysan jiri doonin waqti loo kordhinayo Golayaasha Dowladda, taa waxay jawaab u aheyd marki la isku raacay in haddana qaabka 4.5 la qaato, laakiin waxaa muuqanaya markaa, haddiiba 4.5 la qaato, maxaa looga baaahan yahay in aduun malaayiin doolar ah loogu bixiyo shirar lagu soo xulayo xubnaha baarlamaanka oo isla qaabkan ku jooga hadda, barrtaa ayeey ku timid jawaabta Key ah ee ah in aan waqti loo kordhin karin Dowladda hadda jirta, waana fikrad suuro gal ah in ay dib ka soo noqoto, marka waxaa muuqata in qorshaha Hiigsiga 2016 uu go,an yahay, 4.5 haddi uusan noqon waa in loo korrdhiyaa dolwadda hadda jirta waqtiga, si ay u gaarsiiso xaalad uu ku hirrgali karo qorshe siyaasadeed oo ay madaxda Soomaali ku mideysan yihiin, laaakin meer-meerka & gogol baddelku uu yahay sida & qaabka ugu fiican ee loo soo bandhigi karo.
Kismaayo waa Goob raacsan dadka u ololeeynaya in deegaan lagu soo xulo golayaasha dowladda, waxaana la qaba dadka dega Puntland, oo ah halka ay ka curatay fikradda deegaanka, si loo koobo carada ka iman karta deegaanadaa & dadkooda , ayaa waxaa shirka loogu wareejiyay Kismayo, si magaaladaa u noqoto halka uu ku dhashay go,aanka 4.5 ama waqti korrdhinta, taa oo xoogaa dambi dhaafsiin karta Madaxda Puntland & Juba land, mar haddii go,aanku uu ku dhacay deegaankooda, sidaa darteeed shirka Kismaayo ma fashilmin ee waa uu kashifmay..!!!!!!!!!!!!!
