Shirka Kismaayo Maxaa fashiliyey?
Hassan Mohamud (Xassan Jaamici)
xasanjaamici@gmail.com
Janaayo 19 2015
Prof. IMAAM XASAN JAAMICI
Shirka madasha wada tashiga ee Kismaayo lagu soo gabagabeyn lahaa yaa fashiliyey? Sayid Cumar (Ilaahey ha ka raali noqdo) wuxuu yiray: Islaam ma jirayo midnimo la’aan, midnimo lama helaayo hadduusan jiraan hogaan fiican, hogaan fiican ma jirayo hadduusan jirin nidaam iyo kala dambyen”. Midnimada Soomaalida ayaa xal u ah dhibaatooyika faraha badan ee Soomaaliya heysto. Laakiin waddada lagu gaarayo midnimada waa waddo dheer oo intaan la gaarin midnimada uu ka horeeyo 3 joogsi oo waa weyn oo waqti u baahan (3 stops):
1. In la abuuro dood wanaagsan oo la baahiyey oo loo siman yahay oo xalka la wada raadinayo oo waqti la siiyey (oo aan lagu xirin waqti dowlad ay leedahay si laysku fahmo) si biseyl munaasab ah loo gaaro.
2- In nidaamka hadda jiro ee dastruuriga ah oo shareecada saldhig u ah la dhameystiro si loo helo nidaam dhameystiran oo abuuri karo jawi doorasho xor ah ee cadaalad ku salaysan.
3- In xalka Soomaaliya ay soomaali keliya lahaato oo laga ilaaliyo faragelinta shisheeye.
Akhristow jawaabta munaasabka kula ah dooro oo: Maxay kula tahay oo fashiliyey shirkii Kismaayo oo la filayey inuu noqdo kii gabagabada:
A- Faragelinta shisheeyaha oo leh ajendooyinka iska wada soo horjeedo.
B- Shacabka Soomaalida oo aan laga wada qeyb gelin shirka aaya ka tashiga mustaqbalka Soomaaliya.
C- Dowlad goboleedyada Soomaaliyeed oo leh agendooyinka iska soo horjeeda.
D- Dastuurkii ku meel gaarka ahaa oo la dhinac maray sida:
1- Dastuurka in la dhameystiro qeybaha muhimka ee ka harsanaa sida in nidaam xisbiyeed loo gudbo oo laga gudbo nidaamka 4.5 ee qabaliga ah.
2. In loo gudbo 1 qof iyo hal cod siiba qeybaha nabada ay ka jirto oo ah Soomaali inteeda badan.
3. In baarlamaanka uu noqdo marjiciyad xal raadiye haddii uu khilaafka dowlad goboleedyada uu hor istaago hanaanka ama hiigsiga dowladnimo.
