Gaas daacadda waxaa uga dhow Sharmarke!
Cali Soomow
calisoomow@yahoo.com
Febraayo 24 2016
Waa isma dhaanto iyo dhasheed Cabd wali Gaas iyo Caumar Shamarke, Sida ay isugu egyihiin dhab ug fiirso, dabeecadana kaba daranba, Cumar wuxuu ku leeyahay “dowladda untand shirka waa joogtaa madaxweynaha waa ku cudur daartay laakiin wasiiro ayuu soo dirsaday!!” bal beentaas mase waa run, waxaan qiyaasiyaa inay been tahay, sababtoo ay tahay puntland federalka heshiis maba aha, mise Xasan Maxamuud iyo gaas baa hoos iskala socda oo annagaa layna siray, Cabdi wali Gaas muxuu hadalkaas shib uga yahay oo uga jawaabi waayay, ma u malaynee in nimankaas iska war haayaan oo anaga been laynoo sheegaayo?! Laakiin iyada nafteeda arrin shaki keeni karto ma ahoo sida uu uhadlay wasiirka dhalinyarrada iyo sport-iga Puntland oo wuxuu yiri “ waxay ahayd shirka inuu madaxweynaha yimaado laakiin wuu ka baaqday, wuxuu shirka u imaan waayay safar buu aday.’ Oo taas macnaheedu muxuu yahay, war maxaa hadal cad u diiday nimankan, war ma baqayaan nimanku, ku dar midkaan xun ee wasiirka sportiga isku sheegaaya, “Qaadacaad macne kale ayeey samayn kartaa!” war ileen adduun nin aan balaayaba waligiis arg baa ku oran balaayaan arkay, bal naftaas yar muxuu qarinayaa, muxuu eed uusan lahayn dusha u saaranayaa, muu si fudud u yiraahdo anigu waxaan kuu xaqiijin karaa annaga iyo dowladda federalka inaan hadda waxba inna dhexeyn, been in dadka loo sheego ayeey gaas iyo sharmarke heshiis ku yihiin.
Sharmarke si waa uga daacadsanyahay Gaas, oo labda nin waa laba liidata laakiin waa kala daranyihiin, Sharmarke usagu warkiisa waa cadyahay oo wuxuu innogu soo bareeray dagaal iyo colaad, laakiin midkaan nala yaal ee magaca qabiilka inagula jooga, laakiin markuu is rogaba aad leedahay maxaa ka soo yeeri doona?! Hadalkiisa oo dhanna uu yahay waan hadlayaa laakiin yaan la i fahmin, alla show waxay cuneen iyo laaluushka ay qaateen weynaa, show maxaa ceeb soo socda?! Laakiin hadii aan beeraleey nahay waxan ku maahmaahnaa “Aw Tuugow, hee Gurbaan aa xadidee intee hee ku tumee!” hadda laaluush qaata, telephone hoos ugu hadla, laakiin Puntland dadkeeda dhex jooga nina ma baryeyso xoogna wax looga qaadi mayo.
Shakiga ugu weyn waa sida Cumar Cabdi rashiid iyo Xasan Max’ud aysan waxba uga soo qaadin diidmada puntland iyo qaadacaadda 4.5, taas waa iska maan gaabnimmada Xasan Sh.Maxmuud oo caqligiisa u haysta qofka wax diiday inuu Gaas yahay rumaysana inuu ka noqon doono, siduu ku riyooniyana marka la doorto isaga marti qaada David Cameron ninka muxaafadka kibirka badan ee dhaca xoolaha dadow ku naaxay, markaasn ay labadooda xarrigga iskala jaraan mashruuca barista macdanta Soomaaliya, gabar wax jecel xataa sidaas uma riyooto! Gaas ma kula tahay inuu rabo dulaal inuu ka noqda arrintaas, wax kasta wuu dhiibi lahaa laakiin shacabkii baa soo jeeda caruur iyo ciroole, oo diiday in danaha Soomaaliyeed calooshood u shaqaystayaal uu Xasan Shiikh Maxamuud madax u yahay guumeyste hoos geeyaan, ee ma aha sida ay dadka qaarkii qaateen in siyaasiyiin iyo Balamaanka Macaan Jecelka ah ee Puntland ay arrintaan hor istaageen.
Turkiga wuxuu doono Xasan ha siiyo, wax cusub ma aha in maalin kasta dowlad dan leh ay qaarkeen isticmaasho oo lacag geliso, oo hubayso, waa wax aan iska baranay, Itoobiyaan aragnay oo ognahay inay burburkeena iyo baab,een keliya dalka u joogta maalin kastana qaarkeen hubaysa, Djabuuti baan aragnay oo waliba la leeyahay Soomaali baad isla tihiin oo rabta geerideena iyo dilkeena inay dulaal ka noqoto, marka Turkiga waxaad moodaa inuu ka soo daahay suuqaan furan, inkastoo aan ka xumahay oo aysan joogin niman macne leh oo shaxda la cayaari kara, mase Xasan Sh. Max’ud, ninkii baqtiga u rukuucayay baa shaxdaas fahmi kara, isumaba haysti inuu wax yeelan karo, dalka aad aragtay sida loogu soo qamaamayna madaxnimuu u sheeganayaa.
Shacabka puntland waxaan leeyahay, sida Gaas yiri 3 idinma furna, waxaa idin furan hal, oo muxuu yahay Soomaalinimo, taasoo ah inaan dowladnimadeena lagu salayn qaab beeleed noocuu doonaba ha ahaado magacuu donaba ha lahaadee, Michael Keating, wax buu iska dhaadhiciyay laakiin yaan laga yeelin, sida doqonimmada ah ee uu u fekeray waxay tahay waa markii ugu horeysay ee aad wax go,aamisay marka haddii aad ka noqotid waa ceeb ee xoog iyo qasab ku meel mari, waxaa kale oo uu ogyahay in haddii sida uu hadda u ololeynayo ay arrintu ku dhamaato inay Xasan Shiikh Maxmamuud mar kale xukunka ku soo celin karaan wixii ay doonaanana iyagoo adeegsanaya isaga ay dalka ka samaysan karaan, marka Michael Keating waan ognahay oo askar tiro badan oo Ingiriis ah Muqdisho waa ay joogaan, laakiin is xuuxin mayno, dalka Soomaaliya waa loo dhimanayaa, in kasta oo aan qaran jabay nahay hadana quursi yeeli mayno, qab nin kalana qaadan mayno.
Soomaaliya Ha Noolaato Puntland Ha Noolaato
Wa bilaahi towfiiq
Cali Cilmi Soomow
