Jawaari ma ogyahay inuu Xil-DHibaan yahay?…ha la xasuusiyo!
Axmed-yaasiin Max’ed Sooyaan
alle_yaqaan99@yahoo.co.uk
Sabteembar 27 2015

Max’ed Cusmaan Jawaari waxa qasbaya weynin badanaa, mar kasta oo madax-weynaha Xasan Shiikh Max’ud Xil-DHibaannadu mooshin ka keenaan isagaa is hor taagaya waliba si sharci darro ah oo qarda jeex ah oo aan qaynuun iyo xeer midna la ilaalinayn isu soo mutaxaya, maxaa qasbaya?!…ma cabsanayaa?! Waa wax dhici kara oo dad badan oo xil-dhibaano ahaa baa madasha laga waayay inatay waxay la ahayd sheegeen! Ma laaluush buu qaatay?! Waa laga shakin karaa, aad baa looga shakin karaa, mar haddii waxa uu samayniyo ay xeerka daba marsanyihiin, waa musuqmaasuq! Ama ha ka yimaado madaxtooyada musuqmaasuqaas ama waxa Beesha Caalamka loogu yeero ha ka yimaado!…Waa Yaab Mana Yara! Wax socdaa Jawaari waa lagu wehliyaa oo shaki kuma jiro, Xil-DHibaannadana wuxuu soo ogaaday inay yihiin Xil-Ma-DHibayaal!

Max’ed Cusmaan Jawaari, waayo aragnimo la’aan ma hayso, muddo waa soo shaqeeyay, mana garan waayin meesha ay Soomaaliya maanta taalo inay isaga hiil uga baahantahay, mana garan waayin Xasan SHiikh Max’ud inuusan ahayn nin xilkaas ka bixi kara, oo innaga iyo asgaba 3sano ayaan arkaynay Xasan SHiikh Max’ud iyo siyaasaddiisa foorarta, marka intaas laga soo tagana ma garan waayin in codka Xil-DHIbaannada uu yahay awood qaynuun ah oo ka mid ah seddexda hay’adood ee ay u qaybsantahay awoodda dowladda, marka in maalin kasta intuu xeerka hareer maro oo isagoo xubin ka ah Xil-DHibaannada (marka laga reebo inuu af-hayeenkoodii yahay) uu hadana si aan sharci ahayn ama aan ahayn go’aan maxkammadda sare ka yimid, ama aan ahayn go’aan loo codeeyay uu taladooda ku jebiyo macnaheedu waxay noqonaysaa si cad in Keli Talisnimmadii ay wali nooshahay shacabkana uusan wax cod ah iyo xuquuq yeelan .

Jawaari laba mooshin oo laga kala keenay labo ra’iisal wazaare oo labadaba aan qiil sharci ah loo hayn waa uu fuliyay, waa run in tirooyin la soo saaray laakiin sida loogu ololeeyay iyo kaalintii muuqatay ee uu ka ciyaaray ololihii loo galay labadaas mooshin baan ahayn sharci, waayo isagoo ah af-hayeenkii golaha Xil-DHibaannada ayuu qayb muuqata ka ahaa mooshinnadii labadaas ra’iisal wazaare lagu tuuray.

Jawaari wuxuu kaloo horay u joojiyay mooshin midkaan ka horeeyay oo ay Xasan SHiikh Max’uud ka keeneen Xil-DHibaano, maantana waa kii labaad oo laga keeno Xasan SHiikh oo uu ka hor yimaaday isagoo aan wax xeer ah oo jira ama awood qaynuun ah oo uu ku hor joogsanayo, ama wax xeer ah oo uu magacaabayo aan isku hor taagayn, isla markaasna aan oggoleyn in sida dhaqanka dunida oo dhan ka jira ee gaalo iyo Islaamba goleyaashooda looga dhaqmo ay arrinta mudannayaasha ka doodaan isla markaasna go’aan ka gaaran isna lagu sharfo inuu ku dhawaaqo sharci ahaanshaha go’aanka ay u codeeyaan mudannayaasha……

Waa Yaab Mana Yara!….Waxaa iyadana dabeecad iska ah marka uu hor joogsado Jawaari in isla markiiba in Xil-DHibaannadii mooshinka ku wada qornaa ay is qabqabsadaan oo kala qaybsamaan, waana cibaaro macna badan ku tusaysa si dhab ahna u qeexaysa baaxadda musuqmaasuqa ee ay Jawaari Xasan SHiikh ka dhex wadaan mudanayaasha golaha Xil-dhibaannada, sidaasoo kalana astaan cad u noqon karta caga-juglaynta la sheego in lagu hayo mudanayaasha !….Waase weydiin Jawaari haddii uu daacad yahay muxuu mar kasta ugu kalsoonaan la’yahay golaha dhan ee isaga soo doortay ee uu af-hayeenka u yahay inay ka doodaan, go’aan ka gaaraan arrimaha waajibaadkooda ah ee ka mid ah hawl maalmeedkooda?!…

DHab ahaan arrintani ma aha mid la fududaysan karo, shakina kuma jiro inay raad weyn ku yeelanayso xilliga kala guurka ee loogu hayaamayo waxa lagu magacaabay Hiigsga 2016ka!..sida uu hadda u shaqaynayo Max’ed Cusmaan Jawaari iyo dabeecadaha is xulufaysiga ah ee durba muuqda waxay ku tusayaan in Jawaari iyo Xasan ay dantu is baday isla markaasna ay jirto dan isku haysa oo ah in ay si wada jir ah uga shaqeeyaan iyadoo midba uu kan kale gacan siinayo sidii ay ugu soo noqon lahaayeen jagooyinkooda, taasi maba xumaan lahayn, waxaase aan xeer ahayn meel ka dhac weynna ku ah danihii loo socday oo ahaa sidii mar labaad loo soo unkami lahaa qarnimadeenii burburtay sharaftii golaha mudanayaasha in af-hayeenkii dhammaa uu ka soo jeesto xafiiskii madaxtooyada!…..oo yaa qaynuunka ilaalinaya marka?!…..oo yaa farskaan aan laylsanayn xakamaha ku hayniya marka?!… oo yaa qaynuunkaan isagaba Looma Ooyaanka Ah u hiilinaya marka?…..

Waxaa iyagu laftoodu fari- ku-godantahay Xeer Ilaaliyaha Guud iyo Maxkamadda Sare oo ay ahayd inay wax ka yiraahdaan xeer-jajabka uu caadaystay Af-hayeenka Barlamanka marka golaha qaynuun dejinta mooshin ka keenaan madax-weynaha, xataa waxaa haboonayd haddii aan dacwad loo soo gudbin ugu yaraan inay faaleeyaan dabeecadda iyo saamaynta ay leedahay arrintan ama ay cannaan u jeediyaan kolba dhanka ay u arkaan inuu dhaliisha leeyahay, inkastoo aysan jirin wax madmadow uu ku jiro marka la eego sida uu u dhaqmayo Jawaari.

Xil-DHibaannada manta ku fadhiya kuraasta golaha waad ka war haysaan sumacad ahaan waxa laydinka aaminsanyahay, dad-weynuhu iyagoon idin dooran bay waxay oggolaadeen inaad wakiil ka noqotaan maadaama aysan awoodayn inay keensadaan kuwii iyaga ay wakiillan lahaayeen, waxayna rumaysnaayeen intiina badan inaad dantii qaranka iyo ummadda aad wakiilka u noqoteen garan doontaan, inkastoo Jawaariba ha idinku horeeyee laydinka waayay, hadana wali waxay rumaysanyihiin inaad mar un ku baraarugi doontaan khataraha ina hor yaal iyo xaaladda dalka meesha ay marayso!….waa haddii aad rumaysnaydeen dhaartii aad marten!….waa haddii aad u damqanayseen Dadkiina, Diintiina, iyo Dalkiina!….waa laydin sugayaa!…

Af-hayeenka, Jawaari, armaad ambatay?!…. laakiin mid ma u malaynaysaa in shacabka Soomaaliyeed ay sidaas damiin u yihiin oo aysan kala ogeyn cid gentay iyo cid galladday!….midna aan ku xasuusiyo Mar I Dage Alle Ha Dago, Laakiin Mar Labaad I Dage Anaa Is Dagay!…shacabku waa shacabka oraahdaas ku hal qabsada marka uu si lama filaan ah u dhagro mid iyaga ka mid ah oo ay aamineen!….Xubno badan oo golaha mudanayaasha ka mid ahna hadaysan wax ka bedelin sida dhaqankoodu yahay waa hubaal inay adkaanayso inay soo laabtaan, sida la qorsheyniyo waa laga gudbiya doorashada soo socota in qaabkii hor oo kale xubnaha xil-dhibaannada lagu soo xulo!…..Mudane Jawaari, waxaanjeclaan lahaa inaan ku xasuusiyo inaadan ka tirsanayn xafiiska madaxtooyada ee Xasan SHiikh Max’ud laakiin aad tahay Xil-DHibaan golahaas Af-hayeen u ah hawsha xafiiskaadana ay dayacantahay.

Use Facebook to Comment on this Post

Share

Baaq Nabadeed

Waxaa murugo, caloolxumo iyo tiiraanyood leh in dagaal iyo colaad sokeeye kasoo cusboonaato Hawdka u dhexeeya Sool, Nugaal iyo Killinka 5aad ee degaanka Soomaalida Etoobia.

Waxaa naxdin ah in beelo fir, fac, deegaan iyo dawladdo-wadaag ah ay ka dhexdhacdo dagaal iyo hurgumo colaadeedeed oo ay ku naf iyo nolol waayaan dad badan, intaa in ka badana walwal iyo walbahaar colaadeed saamayso.

Waxaan, maamulada, Isimada, waxgaradka, culumaa aw-diinka iyo qofkasta oo dareen dadnimo iyo diinnimo leh, u soo jeedinayaa qaylodhaan ah inaan loo kala harin sidii degdeg loogu gurman laha soo afjaridda colaadaas, beelaha dagaalku ka dhexeeyana looga dhex dhallin laha nabad waarta.

Illaheena Jaliilka ah waxaan ka baryaya inuu dadkaas colaadu dhextaal qalbigooda isu soo jeediyo colaadana nabad ugu badelo, khatumadoodana khayr iyo abshir ku dambaysiiyo.

War tolow dagaalka iyo colaada joojiya deeggankana nabadeeya.

Fiqi Bashir-Fiqi Xirsi-Cadulle Cusmaan

Use Facebook to Comment on this Post

Share

Madaxa Utanga Studio Mudane Xaaji ayaa baaq u diray madaxda Soomaaliland kadib markii la xiray  Fanaaniinta Xiddigaha Geeska Africa.

Mudane Xaaji oo Raxanreeb Online lasoo xiriiray waxa uu yiri.

Xiddigaha Geeska Africa oo kala ah Nimcaan Hilaac, Xamda Queen, Maxamad Ciro,  cid ay wax u dhimeen ma lahan waana nasiib daro in Soomaaliland ay sidaas ula macaamilanto dadka sharafta bulshada ku dhexleh.

Mudane Xaaji ayaa waxa uu uGu baaqay shacabka Soomaaliland in ay madaxda soomaaliland ku booriyaan sidii ay xoriyada Fanaaninta Xiddigaha loogu soo celin lahaa

Use Facebook to Comment on this Post

Share

Caafiyo Islaan Faarax iyo Caruurteeda
Sahra Islaan Faarax Isalaan Aadan
Cumar Xuseen Islaan iyo Caruurtiisa
Faadumo Maxamed Warsame Islaan iyo Caruurteeda
Xaawo Xusseen Islaan iyo Caruurteeda
Dhamaan Ilma Faarah Muuse
Ilma Yuusuf Axmad
Iyo Dhamaan Reer Islaan meelkasta oo ay joogaan waxa si khaas ah tacsi uGu dirayaan Qoyskii iyo ilmihii Maryan Xuseen Islaan oo maanta (September 27,2015) ku geeriyootay magaallada Gaalkacyo, ee gobolka Mudug , ee dalka Soomaaliya, waxayna marxuumada Alle uga baryayaan denbi dhaaf iyo naxariistiisii Janno. Aammiin.

Use Facebook to Comment on this Post

Share

Waayaha Dacwada (Islaamka & Wadaniyadda)
Mahdi Muse
mahdimuse@hotmail.com
Sabteembar 30 2015

Faafinta Islaamka ee dhulka Soomaaliya waa mid la koowsatay billowgii dacwada Rasuulka (NNKH) ee Makka.taariikhdu waxa ay qortaa in Islaamku soomaliya ku soo gaaray Farriimihii Saxaabada qaarkood ee u soo qaxay dhulka xabashida, waqtigaa deegaanka dhaca Bariga Afrika ee ku teedsan saaxilka Badda cas dhankeeda koonfur ayaa ku tilmaamnaa dhulka xabashida, waxa uuna kulmiyaa wadamada : Somaliya, Jabuti, Ertreia , Sudan & Itoobiya.

Hijaradu ma ahan dhacdo taariikheed si kedis ah ku timid, laakiin waa qorshe laga baarandagey oo islaamka guul u soo hooysay, sidaa ay tahayna waa go,aan aad u qaraar oo xanuujiyay saxaabadii qaar ee ka haluulay Makka, una soo hayamayay dhul ay degaankiisa & dadkiisaba aqoon, xataa Rasuulka NNKH waxaa la sheegay in uu dib u jeleecday Makka xilligii uu ka baxayay, asaga oo ku guuxaya (hadii aaan dadkaaga iga bixin la heyn ma kaa tageen ) waa kalgaceyl aan cabbir la heyn oo muujinaya jaceylka dhulka aad ku dhalatay & dadka aad u dhalatay, waana fasirka saxda ah ee qeexaya macnaha wadaniyad.

Qarnigii Sagaal & tobnaad Dabayaaqadiisi ilaa billowgii qarnigii labaatanaad waxaa soo if baxay qaabka dowladnimo ee caalamka hadda ka jira, waxaana hir galay xeerar asal u ah xaqa uu dal & dad walba leeyahay, taa oo sharciyeeysay macnaha wadan & muwaadinkiisa ama dal & dadkiisa, laakiin waxaa jiray dareen laga qabay burburki ku yimid khilaafadii islaamka ee Cusmaniyiinta, kaa oo bilaabay qeylo dhaan ah in la helo qaab dowladeed islaamka oo dhan mideyn kara, nasiib xumo qarni kadib dadaaladaa ma guuleysan, mana la hayo ilaa hadda Taako dhul oo dhex taal u ah muslmiinta caalamka ee ku kala duwan Isir, Luqad, dhaqan & deegaanba.

Nasiibka Soomaaliya ee dooda wadaniyadu waa mid si gaar ah u saameeyay dalka oo dhan, baraaruga islaamka soomaliya waa farac ka mid ah kuwa caalmka ee aan soo sheegnay, culumadeenu ma turxaan bixin fariimihii dacwo ee uga yimid dhanka Xijaaz & Wadi Niel (Eygpyt) mana aysan qiimeyn soomalida cusub ee ku mideysan macnaha qaran ee aan cimriga badan jirin, taa oo ay sii dheer tahay in soomalidu tahay reer guuraa Qabiil ku dhisan oo ay adag tahay in mabda,a guud uu kulmiyo, hadii la helana ay waajib tahay in la dhoowro. intaa oo ay jirto hogaanka dacwo ee ka hana qaaday dalka billowgi todobaatameeyadii qarnigii tagay, ma siin ahmiyad gaar u ah macnaha qaran ee ay soomali ku taagneyd markaa, waa jirtaa in mabda,a shuuciyaddu uu ahaa muqaddas, haddana qaabka lagu saxay & miisaanka loo cabbiray shuuciyadda dhabta ah ee jirtay kolkaa waa mid aan dheeli tirneyn, oo waliba la dhihi karo waa la buun buuniyay, taa oo ka dhalatay natiijo ah in karaahiyo loo qaado dowladnimo & wax walba oo xariir la leh, tusaale waxaa nooga filan, falalka dil ee loo geysto askari Boolis ah oo bulshada caawinaya ama midka munashiibiyo ee suuqa kala hagaya.

Aragtida fikri ee dawacdu waa kala duwaneyd, culumadu qaar waa dhacsaneyd in ay lama huraan tahay dhowrida magaca dowladnimo ee soomaali ku mideysan tahay, waliba qaarkood ayaa qabay in la adeeco hogaanka dalka, xataa hadii uu faajir yahay, si loo dhowro danta guud ee dalka & dadkaba, waana faham xeel dheer oo ku qotoma macnaha wadan & wadaniyad, Laakiin dabeecadda Soomaali weyn ee u badan xad-gudubka & xiisaha loo qabo mucaaradnimada ayaa garab siiyay tusaalaha qaldan ee laga fahmay wadaniyadda, waxa ayna sababtay in bulshadii ay ku baahdo naceyb loo qaaado macnaha dowladnimo ee la mataanka aheyd wadaniyaddii.

Dhulka & Islaamku waa mid, Rasuulka NNKH magalada Makka ayuu ka bilaabay Yabooha diinta ee loo soo dhiibay, Rasuul walba dadkiisa & degaankiisa ayaa loo soo diri jiray, Dacwada Soomaaliya waxa ay ku wajahan tahay ciidda soomaali, Culumaduna waxaa qaacido u ah Deegaanka soomaliya ee ku kooban xaduuda loo yaqaan, ciidda soomaali oo la ilaaliyana waa dhul Islaam oo la difaacay, intaaba waxay na siineysaa in Wadaniyadda & islaamku ay mid yihiin, taa oo macno u ah in Bulsho kastaa oo islaam ah uu dhulkeedu islaam yahay, waajibna uu noqonayo difaaciisa & ilaalintiisa.

Mahdi Muse
mahdimuse@hotmail.com

Use Facebook to Comment on this Post

Share

Maxaa keenay in Ciidmmada Puntland ay ka cawdaan mushaar la’aan iyadoo uu Gaas kor u qaaday Canshuuraha!
Mursal Geeldoon
Geeldooniya@gmail.com
Oktoobar 01 2015

Waxaa si aad ah isu soo taraya wararka iyo xaqiiqooyinka cadayniya in dhammaan noocyada kala duwan ee Dowlad Goboleedka Puntland aysan in muddo ah qaadan wax mushaar ah, sida wararku qaar tilmaamayaan qaarkood ayaan mushaarooyinkoodii la siin intii uu xilka yimid madax-weynaha haatan talada Puntland haya Cabdi Wali Maxamed Cali, waana sababta ugu weyn ee mar kasta ay ka dhalato in ciidamo gadoodaan in kastooy dowladdu Puntland sheegto marmarsiinyo kale.

Waxaynu ka war qabnaa in ciidamo dhowr jeer kacdoon gadood ah ka sameeyeen xarunta Garowe ee dowlad Goboleedka Puntland, ciidammadaas ayaa sida la sheegay ah kuwa ugu badan ee ay saamaysay mushaar la’aanta iyadoo dhammaan qaybaha kala duwan ee ciidammadu saamaynta dhibaatada mushaar la’aanta iyo dhaqaale xummo ay dad badan iyo ciidammada qaarkood rumaysanyihiin in arrintan aysan ahayn mid ay sababtay dhaqaale xumo haysta dowladda Puntland, maxaa jira dowladda ayaa canshuurta kordhin weyn samaysay isla markaasna kor u qaaday dhaqaalaha ka soo gala canshuuraha gudaha oo iyagu ah isha ugu muhiimsan ee wax ka soo galaan Puntland.

DHanka kale, waxaa jira tuhun weyn oo ay qabaan dad badan oo ka mid ah wax-garadka iyo guud ahaan dadka shacabka ah ee Puntland taasoo ah in maamulka Cabdi Wali Maxamed Cali uu doonayo inuu keeno ciidamo ka tirsan AMISOM, si uu uga maarmo mushaar siinta ciidammada, wuxuuna waliba arrintan siyaabo kala duwan uu uga sheegay munaasabado kala duwan, gaar ahaan dhowr jeer oo kulan la qaatay wakiilka United Nationska ee Soomaaliya Nicholas Kay.

Warar kale ayaa iyagana tilmaamaya in CabdiWali Maxamed Cali qabo in ciidamo gaar ah oo ay taba baraan isla markaasna mushaaro siiyaan dowlado shisheeye sida Emarateska, Europe, iyo USA uu isticmaalo ciidan ay Puntland leedahay oo kale isagoo waliba og inaysan isaga ka amar qaadan, ciidammada noocaan waxaa horay u diiday madaxweynihii isaga ka horeeyay Cabdiraxmaan Faroole, hasa ahaatee waxaad moodaa inay mar labaad arrintaas soo noqotay, isla markaasna la rabo in ciidammada Puntland inta la kala diro lagu bedelo kuwaas shisheeyahay ka amar qaata waan midda hadda keenatay in dowladda Maraykanka ay tiraahdo waxaan qalabyniyaa ciidmada boliiska Puntland.

Waxaana is weydiin weyn ah Canshuurta faraha badan ee dadka laga qaado haddii aan laga bixin Karin mushaaraadka ciidanka ummadda Soomaaliyeed gaar ahaana Puntland xagge baa la geeyaa? Cabdi wali Maxamed ma latahay inuu sidaa ku joogay oo shaarkiisu u cadaanayo haddi ciidamada Puntland la waayo, mise wuxuu ka jeclaaday in isgana taangiyo AMISOM lagu ilaaliyo uuna burburiyo dhowrsanaanta dhaqanka iyo sharafta iyo suubanaanta guryaha dadka shacabka ah.

Madaxweyne ku xigeenka Puntland, wasiirada, iyo golaha shacabka iyo af hayeen Saciid, isimada Puntland maxay u arki la,yihiin waxa socda, mise waxay sugayaan ilaa gaarto heer aysan kaalin lahayn, aaway Isimadii Puntland, wali arrintu wax ka qabashay leedahay, Cabdi Wali Maxamed Cali kama weyna muwaatin reer Puntland ah oo danbi ka galay shacabka reer Puntland, arrintuna waa mid degdeg in wax looga qabto u baahan, waa mid dhibaatadeeda si dhaqso ah u dhici karto waqti kasta.

Waxaan iyadana halkaan aan idinku ku haynaa waraysi la xiriira arrintan oo uu bixiyay Bare wax ka dhiga Jaamacadaha Gaalkacyo oo lagu magacaabo Axmed Saciid Faarax, kaasoo ay wareysatay shabakadda All Galgaduud bishii la soo dhaafay ee September29,2015, Axmed Saciid wuxuu si qoto dheer u macneeyay sida xaalladda ciidammada Puntland tahay iyo waxa uu ka damcay Cabdi Wali Maxamed Cali.

Halkaan ka dhegayso waraysigaas:

http://allgalgaduud.com/2015/09/top-dhageyso-wareysi-siyaasi-si-kulul-u-weeraray-madaxweyne-gaas-hanaanka-ciidanka-ee-puntland/

Use Facebook to Comment on this Post

Share

Waxgaradka goobta isugu yimid waxay xuseen inay nasiib darro tahay in caqliga iyo maskaxda laga xigsado qori, iyagoo sheegay inay beelaha soomaaliyeed guud ahaan iyo gaar ahaan kuwa deegaanada dirirtu ka dhacday ku nool ay taariikh u leeyihiin daminta iyo heshiisiinta dadka ehelka ah ee dirirtu dhexmarto.

Cuqaasha iyo isimada ayaa intaas ku daray inay gacan buuxda iyo taageero talo iyo tabarba ah ka geysan doonaan sidii loo joojin lahaa heshiisiisna looga gaari lahaa colaadaas dhexmartay beelaha wadadhashay, iyagoo sidoo kalena waxgaradka soomaaliyeed guud ahaan, iyo gaar ahaan isimada iyo madaxda Puntland ugu baaqay inay laban laabaan dadaalka ayba more hore bilaabeen ee ku aaddan soo afjaridda ismaandhaafka beelaha wada dhashay.

Hoos ka akhri qaar ka mida isimada iyo waxgaradka baaqan diray

Garaad Cali Yuusuf

Cabdirashiid Gaanni Cali Shire

Yuusuf Khaliif Xasan Cadde

Cabdisalaan Maxamed Geelle

Cali Sh Aadan Sandheere

Xaaji Aadan Xirsi Faarax ( Aadan Carab)

C/rashiid Shire Bile

C/llaahi Max’ud Mire (Alle u naxariisay)

Cali Sheekh Aadan( Sandheere)

C/qaadir Sardheeye Islaan

C/kariim Aadan Warsame

Cabdulweli C/llaahi Sh Cismaan

C/llaahi Faarax Cali Sanyare

Maxammed Abshir Barre

C/xakiim Axmed (Amxaar)

C/llaahi Bashiir Cigaal

Yuusuf Xasan Xuseen

Faarax Cabdi Xirsi

Cigaal Maxamed Nuur

Saciid Maxamed Barre

Safiyo Cabdulle Horeeye

Kadiijo Maxamed Yuusuf

Sahra Cali Shabeel

Ruqiyo Xirsi Faarax

Xaawo Maxamed Faarax (Libaaxo)

Cibaado Xaaji Xuseen

Canab Cabdi Cilmi

Maryan Jaamac Cumar

Cudbi Cabdi Cilmi

Sahra Jaamac Cumar

Shukri Aadan Muuse

Nadiifo Xasan Abshir

Iyo xubno kale oo aanaan magacyadooda soo koobi Karin

Use Facebook to Comment on this Post

Share

Silsiladii: qaranimo
Gabaygii:qabyaalad
aminta:8/6/2015
Waxaa Curiye: Bilaal Axmed Wali

1.nageeyoow qa’di gabay
baryahan qaad ismalahayne
2.quruxdeeda maansada
ninyahow waan ka quusamaye
3.kolkii ay qaraabtaan murtida
qaabadayn nacaye
4.inkastoo abwaaniin qoriyo
joogo qalin yaalo
5.inkastoo qilaafadu jirtoo
qawlku wada liicin
6.qarar bay ka tuureen rag
badan qaabka maansada e
7.qasadkeeda nimanbaa diloo
quutay waa hora e
8.an qorsheeyo maantoon kalaan
qodobka taabshaaye

9.soomaalidu qolayn kama
koraan qab iyo reere
10.qatli iyo colaad bay wadaan
tan iyo qaabiile
11.quraankii ilaah iyo sharciga
maba qiraayaane
12.qawlki rasuulkiyo wuxuu
qaadir na amraayo
13.qori bay ka doortaan
ninyahow lays qisaasado e
14.qisasyadi horeetoo dhiciyo
qawmki nabi muuse
15.qarni hore kuwii quusay bay
daba qamleeyaane
16.abti ruux qafaashiyo midkii
qori lasoo taagan
17.qaadkuu cunaayiyo midkii
qalinka diidaaya
18.qabyaalada ninkii doonayoow
qurun xun weeyaane

19.qarankeena kolkaan
duminayee qoriga aan doonay
20.qolo qolo kolki loo saftee
qaxarku waynaaday
21.qab qabluhu kolku wada
baxee qowm waliba doortay
22.qaladkii dhacaayaba kolkaan
qarash ku taageernay
23.aduunyada kolkaan
qayshanee yurubta qaar gaaray
24.quluubteenu kolkay wada
didee kala qaloonaynay
25.anagoo qaraabiyo walaal ehel
ku qaabaysan
26.nin waliba kolku qaybsadee
dagalku qiiqaayay
27.qorshaheenu kolkuu baa’ba
een qasad la’aan liicnay
28.wixi qiray wixi soo qoriyo
qalad wixi baahshay
29.wixi qubay wixi qiil heliyo
qori wixi keenay
30.soomaalida qurbaha joogta
ee qaaradaha yaacsan
31.dalalkooda wixi qixiyayee
qaxarka beeraayay
32.alaylehe qilaaf weeya iyo qolo
qolayn jaane
33.qabyaalada ninki doonayoow
qurun xun weeyaane

34.qasriyada aduunyada jiree
duul waliba qaatay
35.qoraxday kol aaddaan raggaa
qalabyadaw suubshay
36.dowladnimo raggaa quutayee
qaran ku faanaaya
37.qori suugle qaraxloow luglayr
qiiqle iyo aake
38.qamadiga raggaa shiita ee
badarka no qaybsha
39.qalin bay ku gaareen halkaa
buug lasoo qoray e
40.ayagoon qolaynayn dadkay
wada qancaayaane
41.qabyaalada ninki doonayoow
qurun xun weeyaane

42.wax dhaaxay abwaanadu
qoreen qaafka maansada e
43.qayrkay amraayeen in badan
qaabka loo tago e
44.xumahay ka qaylsheen
ninyahow taniyo qaabiile
45.quruxday ku taameen
waxbadan wadar qiraayeene
46.hayeeshe quruumaa jirroo
aad u qaafila e
47.quful bay ka saaraan mar
qura qaladna sheegaane
48.qamrigiyo xashiishkay cunaan
qaabka haybta ahe
49. Qabyaalada ninki doonayoow
qurun xun weeyaane

50.quwad xoogle ninkii sheegta
ee quruxna moodaaya
51.qolo qolo ninki faanayee
duulal kala qaybsha
52.mar unbuu ka qaylshaa
ninyahow qaabka uu yahaye
53.qabyaalada ninki doonayoow
qurun xun weeyaane

54.waxba yaanan qaafkiyo
murtida qeexid sii wadine
55.qasadkeeda maansada
ninyahow waan qadimayaaye
56.soomaalida alahayoow quwee
qaadir baa tahaye
57.quluubtooda eeboow ka saar
qaladkan buux buuxa

curiye:bilaal axmed wali

Use Facebook to Comment on this Post

Share

GOORMAA XALKU DHOW YAHAY
SAID ABDI HIRSI
saidhirsi39@gmail.com
Oktoobar 06 2015

Qoraalkeyga waxaan ku bilaabayaa hadal gaaban oo uu jeediyey af-hayeenka baarlamanka Mareykanka, si aan is bar bardhig siyaasadeed u sameyno.

John Boehner: “It had become clear to me that the prolonged leadership turmoil would do irreparable harm to the institution,”

Wey ii cadaatay in hogaamin ku saleysan weerar iyo weerar celis (qas) oo daba dheeraada, ay ku sababi karto waxyeelo aan la hagaajin karin hey’adda baarlamanka (congress-ka)

Boehner wuxuu ahaa af-hayeenkii baarlamanka (congress-ka) Mareykan. Wuxuu isu casilay kadib markuu ogaaday is heyssiga iyo muranka xoogan ee u dhaxeeya siyaasiyiinta labada xisbi (republican and Democratic party) iyo gaar ahaan kan xisbigiisa ka sii dhex jira ee hangoolka uu dadka uga hayo koox mayal adag oo xisbigiisa kala tirsan, in hogaanka noocaa ah ee qasan, sababi kareyso wax yeelo adag oo aan hadhow la maarey karin. Hadaba inta aaney taa dhicin wuxuu go’aan ku gaaray inuu isagoo weli sii jooga ay dhicin oo uu hadeer isaga tago oo aan magac xun ka raacin.

Waa caqli iyo hab fakar aan ka iman karin hogaamiye African ah.

Hogaankii qaldanaa ee Madaxweyne Max’ed Siyaad Barre ee uu ku garan waayey inuu kaga kawareego hogaanka inta aaney ka dhalan waxyeelo aan la hagaajin karin, waxey sababtay in wadankii Soomaaliya la oran jiray ceelkii uu ku dhacay waagaa 25 sano ka kadib laga soo saari la’yahay ilaa hadda.

Maputo, Mugabe, Charles Taylor, Laurent Gbagbo iyo kuwo kaloo badan waxey iyana ahaayeen welina yihiin qaar ka mida oo jooga keli talisyayaal waxyeelo dhaqaale, siyaasadeed oo ay adkaatay maareynteeda u geystay wadamadooda.

Lacagta wadanka Zimbabwe waxey mareysaa heerkii ugu xumaa ee uu wadan African ah gaaro, oo $5-ta doolar ee Mareykanka ah waxey u dhigantaa lacagta wadanka Zimbabwe, (not billions but trillions) maaha bilyano ee waxey u dhigantaa kumanaan bilyan oo Zimbabwe-yan ah.

Waxaa jaraa’idad lagu qorayey Bilyineer gaajoonaya, oo macnaheedu yahay qofka reer Zimbabwe ee heysta $5 doolar marka uu lacagta gudaha wadankiisa u badasho waxey u noqoneysaa billions hadana maaha qof qani ah.

Mugabe maaha ninka kaliya ee reer Zimbabwe ugu caqli badan, maaha ninka kaliya ee istaahila inuu dalkaa u taliyo. Wuxuu talada la wareegay 1987 ilaa hadda waa 28 sano, dadka reer Zimbabwe waxey xaq u leeyiin in ay talada wax ku yeeshaan, waxna doortaan lana doorto.

Hab fikirka John Boehner iyo garashadiisa waa midaan marnaba laga heli karin, hogaamiyayaasha Africa qaarkood.

Qofku waa inuu gartaa maalinta xalka uu dhow yahay.

F. W. de Klerk wuxuu ahaa Madaxweynihii ugu danbeeyey oo cadaan ah ee dalka South Africa (Koonfur Afrika)

Xiligiisii waxaa isa soo tray kacdoonkii dadkii madoobaa ee wadankiisa, waxaa la gaaray heer aad u kharaar, wuxuu ogaaday haddii uu wadanka sidaa ku sii hayo in S. Africa ay ku dhici doonto god ay adag tahay in mustaqbalka laga soo saaro.

Wuxuu kaloo ogaaday qofka keliya ee caawa S. Africa badbaadin karaya uu yahay Nelson Mandela.

F. W. de klerk wuxuu go’aan ku gaaray inuu ka wareego talada dalka, xabsigana ka soo saaro Mandela oo ah ninka kaliya ee caawa dalka badbaadin kara.

F. W. de klerk waxaa uu xabsiga ka soo saaray oo dadkii S. Africa la hadlay habeenkaa Nelson Mandela.

Mandela wuxuu jeediyey habeenkaa khudbad taarikhi noqotay. Daqiiqadahaa is bedelka ah ee uu sameeyey F. W. de klerk waxey noqotay mid wax ka badashay hab socodkii taariikheed ee S. Africa iyo caalamka.

Gabagabo fadlan garo maalinta xalku dhow yahay, ha taageerin keligii taliye is mooday inuu dadkiisa ugu caqli badan yahay.

Mahadsanidiin

SAID ABDI HIRSI

Des Moines, Iowa. United States
Email (saidhirsi39@gmail.com

Use Facebook to Comment on this Post

Share

Soomaaliya mar kale dhiig waa loogu Wan-qali! ( Qaybtii Iaad)
Axmed-yaasiin Max’ed Sooyaan
alle_yaqaan99@yahoo.co.uk
May 12 2014

{SHumucii ay SYL shiday ilayskiisii wali waa baxayaa! Soomaaliduna Hal-yeey kama dhammaan! Saansaantuna waa mar kale iyo Halgan dib u xoreyn} Al-SHabaab

Wallee Al-shabaab Soomaaliya baa loogu dow galay! Bal marka hore aan is weydiinee iyagu asalka dagaalka ay wadaan muxuu ku salaysanyahay?! Ma waxay leeyihiin cadow dalka qabsaday baan ka saaraynaa?! Ma waxay leeyihiin wixii aan annaga na ahayn oo ay ku jirto Soomaalida kale ee muslimiinta ah ee deegaanka iyo dalkaba la leh waa gaalo xoog dalka ku haysata?! Ma waxay leeyihiin ciddii aanan annaga na ahayn Muslim uma aqoonsanin, ma waxay leeyihiin ciddii aan Muslim ahaynba waa dilaynaa oo dagaal baan ku qaadaynaa?…. Muxuu yahay goolkoodu?! Goolkooda?!

Nin baa laga sheegay “Hashu Maankayga Gadayee Ma Masaar Bay Liqday?!!” Marka aad adiga oo ah qof bini aadam ah, Muslim ah, Soomaali ah, wadankiissa iyo dadkiisaba jecel, waliba miyir qaba aad isku daydo jawaabaha weydiimahaas waxaad arkaysaa Al-shabaab inay yihiin ADEEGAYAAL la isticmaalyo, loona haysto sababtii lagu sharciyeysan lahaa danayowga guracan ee la doonayo in Soomaaliya laga fushado…..sida hadda muuqatana waxay arrimuhu marayaan heerarkii ugu dambeeyay ee dalka looga bixin lahaa gacanta dadka Soomaaliyeed, waxaa isagana arrinta ka dhigay Turaanturooy Awalba Horaan U Socday siyaasad xumida madax-weyne Xasan SHiikh Max’ud! U malayn mayo in caano uu soo lisay haakah lagu oranayo, wuxuuna garan waayay baaxadda xilka uu qaaday mana oga qiyaasta baaxadda dhibaatada iyo halista ku meeran dadka iyo dalka uu taladooda qabtay.

Al-shabaab yaa la dhahaa? Wareer! Waayadii uusan Maraykanka keligii dunida ka talin jirin ee uu Soviet-ku macnaha lahaa magacyo badan oo lagu wareero ma jirin, sababtuna waxay ahayd dunida labo saf oo la kala yaqaan bay ahayd nin kastana codkiisu waa caddaa mana jirin cabsida madaxda dunida qaarkood maanta ku habsatay, ee aad moodayso wax kasta in khalad iyo sax aan loo eegayn laakiin lagu salayniyo cabsi laga qabo wadammada reer galbeedka siiba Maraykanka.

Kooxdan isku magacowday Al-shabaab (DHallin-Yarrada) jiritaankooda iyo siday ku samaysmeen haddii aad dib u fiiriso waxaad dareemi karaysaa in sida ay u dhismeen ay iska ahayd si aan qorshaysnayn, waxaad dareemaysaa inaysan ku immaan barnaamij ay soo diyaariyeen oo meel ay hiigsanayaan ku caddahay!.. waxayna ka soo dhex baxeen khilaafkii iyo jabkii Ururkii Maxkamadaha Islaamiga .

Waxay isku isku qanciyeen in ururkii Maxkamadaha uusan jihaadin, waxaana caawiyay oo markii hore dagaalkooda macquul u ekeysiiyay la-dagaalankii ciidammadii shisheeye ee dalka soo galay siiba kuwa Itoobiya, waxayna heleen taageero aad u balaaran oo dibad iyo gudaba ah, waliba iyadoo aan waxba laga fahamsanayn siyaasaddooda.

Hasa yeeshee, waxay dhibaatooyinkooda soo baxeen markay ugaarsadeen; Culummadii, Odayaashii-dhaqanka, ganacsatadii, siyaasiyiintii,….bal adigu sheeg yeey dhaafeen?!…waxaana yaab ah in nin kasta oo aan iyaga ka mid ahayn ay ka xayuubiyeen xuquuqdii uu Alle siiyay ee aadminimmada,Islaanimmada, iyo Soomaalinmadaba (waaba haday iyaga gacantooda ku jirtee), marka ha lays weydiiyee Al-shabaab maxay damceen?!…..

Ma waxay damceen inay iyaga keliya Soomaali ka soo haraan?! Ma waxay is tuseen aduunka oo dhan inay san-duleeyaan oo xoog ku hogaanshaan?! Oo maxay haystaan oo ay u diyaarsadeen arrintaas?!! Xiriir ummadda lama laha, siyaasiyiintooda, shacabkooda, marka ha lays qarxiyo maxaa qorshe ah oo ka dambeeya?!…imh! qof kasta si ha ula muuqato laakiin ma u malaynaysaa waxaase inay qorsho iyo talo la’aan ku socdaan, midse waa xaqiiqo aan wax madmadow ah ku jirin, oo maxay tahay? Al-shabaab inaysan dano umadeed iyo maslaxad Soomaaliyeed ka shaqaynayn, marka haddii ay sidaas tahay ma shaki baad ka qabtaa inay yihiin adeegayaal uu shisheeyuhu isticmaalo?!..

Waa ay is qarxiyaan, qof kasta oo ay soo eedeeyaan xukunkiisu waa DIL! cid ay cafiyeen marna lama sheegin! Deegaannada ay joogaan ama ay maamulaan nabad gelyaba ha lagu sheego laakiin mujtamaca waxuu dareemayaa in xoog lagu haysto! Waxay dareemayaan in dad qalaad ay haystaan!…dad-weynaha lama hadlaan waxay u sheegaanna ma yaqaanaan, qof kasta oo dhex galana ciribtiisu waa daldalaad aan dacwo lahayn!, meelaha ay dalka ka joogaan waxay ugu noolyihiin sida ciidmmada AMISOM dalka ugu noolyihiin, kamana muuqato inay wax isu yihiin dadka!…waxaana la dareemayaa in gacan shisheeye oo qarsoon taladooda ku jirto! Oo yeey yihiin?!….

{Waxaan garanayaa in rag badan oo ka mid ahaa ergooyinkii fadhiyay shirkii Eldoret/Mbagathi oo dibadaha ka yimid ay Basaasiinu ahaayeen safaaradaha dalalka ay jinsiyadda ama deggenaanshaha ka haysteen, sida ay marar badan war ahaan ii siiyeen iyagoo qaarkoodba qaarka kale ku eedeyniya arrintaas!…..}

Sida hadda dhaqankooda siyaasadeed yahayna waxaa laga dheehanayaa in Sir-doonka reer galbeedka oo adeegsanaya xirfad aad u qoto dheer oo wadata awoodeeda aqooneed iyo dhaqaale u dhex galeen si bdadban iyo si toos ahba,iyagoo ka faa’idaysanaya waayo aragnimo la’aantooda, iyo khaladaadka siyaasadeed ee ay maalin kasta ku dhacayaan, waxayna u isticmaalan inay ku fuliyaan hawl galada ay rabaan, waxayna u isticmaalaan sababaha ay ciidammada AMISOM soo gelidda dalka ugu sharciyeyniyaan, waxay u isticmaalaan sababaha ay rabaan inay qalqal ku geliyaan xasiloonida meelaha nabadda ah sida Puntland, waxay u isticmaalaan abuuritaanka xiisadaha…waxaana intaas ka badan inta ay sida bareerka ah uga dhex fuliyaan madaxda baahida u qabta awoodda siyaasadeed ee aan rumaysnayn in rabitaanka ummaddooda ay tix geliyaan…

M’ada un ka raac “Ma arag, Ma maqal, Ma ogi, Ma aqaan,Ma….” Maanta arrintu waxay maraysaa wax kasta oo dhaca madaxdii dunida inay is-maahiyaan! Oo maxay sababtu tahay bal adigu malee! Al-shabaab xaggee bay joogtaa?! Ma ogi! Xaggee bay hubka iyo lacagaha ka helaan?! Ma ogi! Yaa taba-bara?! Ma ogi…ma jinni baa, lama arko miyaa?!… sidee bay wax yihiin?!! Wali arrimaha Muqdisho ka jira lagama run sheegin, nimanka jooga ee Xasan SHiikh Max’uud uu hormuudka u yahay iyo kuwa soo doortay ee aan u haysano wakiilo annaga inoo jooga, mid keliya oo dan ay Soomaali leedahay ku maqan ma jiro.

Marka la fiiriyo hab dhaqankooda waxay si aan qarsoodi ahayn u rumaysanyihiin inay raali geliyaan waxa loogu yeero Beesha Caalamka(Yeey yihiin?) halkii ay ahayd inay dad ururiyaal noqdaan oo ummadda isu keenaan, halkii ay ahayd inay gartaan farsammada loo adeegsaday burburinta ummadnimadooda, ilaa la gaarsiiyay inaysan kala garanayn NABAD iyo COLAAD! Beesha Caalamka! Kolayba waxaan ogahay inaysan ku jirin dalalka Afrikaanka ah ama kuwa loogu yeero dunida 3aad! Waa laysku kaaya diraa! Eebbow Adigaa Weynaan Leh! Oo haddaan garanayba maan diidno! Anigu maba qabo inay jiraan dad innaga caqli badan oo isku kaaya diri kara!…Maalin kasta diyaarrado aan la aqoon baa xoolo iyo dad ku laaya ciidda dalka, inta ay war-baahinta Soomaalida ogtahay ama xataa dowladda la sheegayo ay ka war hayso waxaa labo jeer badan war goonyaadka dad-weynaha laga helo; Diyaarad ugaar nool-nool shabaq ku qaadaysa, Diyaarad duur cidla ah ku degtay oo saacado ka dib ka duushay wax ay tahay ama ay samaysayna aysan jirin cid ka war haysa, niman aajnabi ah oo iska lugayniya oo Al-shabaab iyo cid kale midna la hadlayn, waxa dalka ka socda runtii lama yaqaan!

Soomaaliya, cid aan ka ugaarsanayn ma jirto, Bad iyo Berriba, waxaa tusaale cad ah in ciidanka sir-doonka Puntland ay bishii November 14dii sanadkii tegay ee 2013kii, ay qabteen labo nin oo midna uu u dhashay dalka France midka kalana uu u dhashay dalka Ingiriiska oo sida uu ku waramay waziirkii hore ee amniga ee Puntland Khaliif Ciise Mudan, basaasayay Puntland isla markaasna khayraadka dalka iska baaranayay, waxaana la sheegayay in telefonadooda laga helay farriimo qoraal ah (Text Messages) ay u dirayeen hay’adaha dowliga ah iyo kuwa aan dowliga ahayn ee reer galbeedka iyagoo uga digaya falal argagixisnimo oo ay soo wadaan kooxda Al-shabaab ka hor intaan Al-shabaab falkaas fulin!…..ma filayo nimankaas inay xiranyihiin hadda, laakiin immisa noocaas ah oo aan la ogeyn baa dalka joogaad u malaynaysaa, iska dhaaf inta magaca diplomats-nimmada ku dhuumanaysa ama ay qarinayaan kuwa ay soortu qaaday ee aan la ogeyn…

Marar badan baa waxaan is weydiiyaa “DHab ahaan ma dareemeynaa inaan dowlad nahay, marka aan sheeganayno dowladnimo?!…madax-weynaha ma dareemayaa inuu dowlad xukumo ummadna madax-weyne u yahay?)…Marka nin ka mid ah xukuummadda ama barlamanka aad ugu yeerayso xilka uu huwanyahay sida; Madax-weyne, Ra’iisal-wazaare, Guddoomiye-Barlamaan, Xil-DHibaan, Waziir, ma kaaga muuqataa inuu hayo hawshii xilkaas aad ugu yeerayso magaceeda waajibaadkeedana ilaalinayo?….mise dareemaysaa dowladnimmadeena maanta inay tahay Magac-u-yaal, madax-weyne, ra’iisal wazaare, iyo waziirna ay yihiin magacyo si kajan ah loogu yeerayo nimanka huwan?!!

Dowladdu kaagama jawaabi karto Al-jaziira maxaa ka jira?…kaagama jawaabi karto Xalane maxaa ka jira?!…kaagama jawaabi karto Xeebaha Kismaayo Norwegian-ka maxay ka hayaan?!..kaagama jawaabi karto!… wax war kama hayso, waxaas oo dhan waxaa kala weyn rajada ay ka qabto waxa loogu yeero Beesha Caalamka, ma rabto inay soo dhoweyso dadka ay danta ka dhaxeyso ee dalka la leh, hasa ahaatee askariga Uganda ee aan isaga laf ahaantiisa wax badan kala socon sababta loo keenay Soomaaliya bay kaga kalsoontahay !…

SHirkii Eldoret/ Mbagathi ee dalka Kenya (Oktoobar15,2002-Oktoobar10,2004) dowlado badan oo fadhiyay baan rabin inay shirkaas dowlad ka soo baxdo, waxaase wax walba ka yaab badnaa oo ka liitay hadalkii uu madax-weynihii shirkaas marti geliyay ee furay Daniel Rotich Arap Moi uu September19, 2003dii iyadoo dalkiisa uu wali shirkii ka socdo uu ka jeediyay Jaamacadda Difaaca ee Maraykanka (American Defence University) oo ku taala magaalada Washington ee dalka Maraykanka kaasoo uu ku sheegay inaysan rabin inay Soomaaliya yeelato dowlad xoog badan… “..waddammada deriska qaarkood waxay cabsi ka qabaan in haddii Soomaalidu dib u midowdo, oo barwaaqoodo ay dib u bilowdo inay dhulal ka maqan sheegato!..” ayuu yiri Moi, waana siyaasadda hadda ay ku shaqayniyaan dowladaha dalka iska maamusha iyo hay’daha Qarammada Midoobay, waxayna waliba ku dadaalayaan inay ka dhigaan gobolo kala taga oo aan xataa federalism isugu imaan, oo gobol kasta oo ka mid ah ay mas’uul uga dhigaan ciidamo Afrikaan iyagana ay dusha ka maamulaan!..SHir-Qool aan garanayno, wallee intaas ka feejiganin!….

Burcad-Badeed baa laynoo abuuray, waxaana si farsamaysan oo aysan fahmin looga faa’idaystay dhallin yarradii kaluumaysatada ahayd ee xeebahoodii la jariifay,qaarkood la laayay, qaarkood maraakiib waaweyn ay biyo kulul ku rusheeyeen markii ay dabka qaateenna la siiyay lacago lagu laaluushayo, ilaa la gaarsiiyay heer ay isu bedelaan Burcad Badeed, la banaystayna dhiiggooda, isla markaasna sharciyeeystay in xeebaheenna iyadoo aan waxba laynaga weydiinayn ay dunida oo dhan ka jillaabato….Waxa innagu socda ma aha inaan garan weynay , laakiin wali madax xil-kas ah dalka ma yeelan!…Xil-kas garanaya qiimaha GOBANIMMADA!

Waziirkii hore arrimaha dibadda ee dowladda Itoobiya, Seyoum Mesfin Gebredinge “ …Annagaa horay isugu kiin dirnay maantana annagii isku kiin diraynay baa rabna inaan idin heshiisiino!…” ayuu si cad ugu sheegay xubno ka mid ahaa odayaasha beelaha iyo ergedii ka qayb gelaysay shirkii Mbagathi, May,2004tii, markii la bilaabay qaybsiga xubnaha Barlamanka!

Axmed-yaasiin Max’ed Sooyaan
alle_yaqaan99@yahoo.co.uk

_______________

Raxanreeb.com Waxa ay Tixgelin Gaara Siinaysaa Maqaaladaha Sida Gaarka ah Loogu soo Diro ee aan Lagu Daabicin Mareego kale.

QORAAGA AYEY U GAAR TAHAY QORAALKAAN LOOMAMA FASIRAN KARO TAN RAXANREEB.COM CIDII RABTA IN AY SI GAAR AH MAQAAL AMA FIKRAD U SOO DIRTO RAXANREEB WAXAA LOOGU SOO HAGAAJIN KARTAA ADMIN@RAXANREEB.COM

Use Facebook to Comment on this Post

Share

Soomaaliya mar kale dhiig waa loogu Wan-qali! ( Qaybtii II-aad)
Axmed-yaasiin Max’ed Sooyaan.
alle_yaqaan99@yahoo.co.uk
Maajo 13 2014

{AMISOM waa koofiyad Cagaarnaayeen, hadana iyagoo koofiyad buluug ah qaba ayaa la keenay! Hadda waa isla askartii Uganda iyo,…Waxaa kaloo la keenayaa Koofiyad Buluug dalalka Ingiriiska iyoooo!…}

Ingiriiska waa ay ku filnaan weyday inuu Soomaali Galbeed inta ka jaray Soomaaliya raaciyay Itoobiya, NFD (Northern Frontier District) Jubbalnad intuu ka jaray uu raaciyay Kenya! Danta uu Soomaaliya ka leeyahay inuu hab wanaagsan u soo maro waxaa kala fiicnaatay inuu hagardaameeyo iyo inuu dalalka deriska ah u adeegsado…walina wuxuu sii wadaa hagardaammadii…

Wakiilka Qarammada midoobay, Nicholas Kay wuxuu gaaray inuu la shiro hooyooyinka, caruurta, inuu odayaasha dhaqanka guryaha ugu tago! Waxaan dib ugu laabanay safarkii Richard Burton ee 1885kii, waxaana laga dheehan karaa inuu sida awoowihii u fekerayo! Si uu oggolaansho uu wax ku sharciyeeyo oo xooggan ku helo, wuxuuna rabaa inuu garab maro siyaasiyiinta waxyaabaha qaarkood uga hor imaan kara ama ku madax adkaan kara….bal adigu is weydii Mr. Nicholas muxuu rabaa inuu ka gaaro kulannada gaarka ah ee isaga oo aysan la socon mas’uuliyiin ta siyaasadda uu mid-mid ula qaadanayo odayaasheena?!…Ma annagaa waalan mise Cadan baa laga heesayaa! Lalamana hadli karo, waase lala hadli….

Annagu hadaan Soomaali nahay khayr ugamaan baran dowladda Ingiriiska, 20sano waxay Sayidka kula dagaalaysay dadkaayaga u laynaysay, waligeedna mag dhaw lama weydiisan!…maxay dalkeena dalalka deriska ah uu qaybisay, maxay maanta koofiyadaha kala duwan inoogu soo gashatay…Cagaar hadana Buluug!….

Nicholas Kay, marka aad fiiriso habka labiskiisa, sida uu u hadlo, iyo waayo aragnimadiisa shaqo isagoo ah diplomat Inggiriis ah, wuxuu wadankiisa wakiil uga noqday wadamo ay colaad kala dhaxeyso dowladaha reer galbeedka ama reer galbeedka ay isku haystaan danaha laga leeyahay ama Juquraafi ahaan la rabay in la kala qaybiyo iyadoo lagu salayniyo in la difaaco diin ahaan dad masiixiyiin ah, ama dal la kala qaybinayo sababo la xiriira khayraadka ku jira sida Afghanistan, Sudan,iyo Jamhuuriyadda Dimuqradiga Koongo, maantana wuxuu joogaa Soomaaliya oo danaha laga leeyahay sida la qiyaasiyo uu khibrad dheeri ah u leeyahay!….

Nicholas Kay, wuu ka xariifsanyahay madax-weyne Xasan SHiikh marka la fiiriyo khibraddas uu u leeyahay shaqada loo soo diray, oo maxay tahay shaqada loo soo diray, waa shaqo gaar ah waxaadna ka garan kartaa dabeecadda isku midka ah ee ay wadaagaan dhammaan wadammada uu diplomat-siga ka noqday, sida; in dhammaantood dagaalo ka socdaan, iyo in qaarkood la kala qaybiyay kuwa kalana in la kala qaybiyo qorshuhu yahay, isla markaasna labo ka mid ah dalal Islaam yihiin, sida Soomaaliya.

Waxaad kaloo ku garanaysaa awoodda la siiyay ee aan horay loo siin nin ka mid ah raggii jagadan uga horeeyay ee Soomaaliya ka soo shaqeeyay, Nichlas Kay ayaa lagu wadaa dhowaan in loo keeno saraakiil xagga garsoorka ah iyo ciidamo ammaan oo isaga hoos yimaada iyadoo waliba arrintan horay looga sharciyeystay maamulka uu hor kacayo Xasan SHiikh Max’ud.

Intii uu joogay dalka Suudan oo uu ahaa safiirka Ingiriiska u jooga dalkaas waxaa marar badan lagu eedeeyay inuu ka tallaabay xudduudii diplomatsanimmda, dowladda Suudaan oo ah dowlad agabkeedii dowladnimo u dhanyihiin, buu ku noqday laf dhuun gashay, … Haweenka la shir, Caruurta la shir, siyaasiyiintii dalka lahaa ama u dhashayna sidii ilmo aad dhashay dacwada u qaad, wuxuu war taaganyahay marka Nicholas Kay loo keeno askar dadka u xir-xirta iyo maxkamado awood u leh inay musaafiriyaan dadka wax garadkiisa oo iyagu intooda badnayd horay qaxootinimo dalka uga maqnaa!!…..”….Marka hore sida haweenkii bay hubka idinka dhigayaaan!….” Max’ed Cabdille Xasan.

{Kaluumaysatadeenii baa inta xeebahoodii lagu qabsaday, oo shabaqyadoodii la jarjaray, oo shaqo la’aan la dhigay, baa markay kaceen la yiri Burcad Badeed! }

Dalkii waa laynaga qabsaday! Waxaa laynagu qabsaday magacyo badan; La-dagaalanka Argagixisada, La-dagaalanka Bucadbadeedda, Xuquuqda haweenka, Dimuqradiyadda, Bulshada Rayadka ah (Civil Society) NGO, Mucaawino, Iyo magaca ugu liita ee Al-shabaab….. dhammaan magacyadaas madaxda siyaasadda Soomaaliya aad ba u isticmaaleen iyagoo aan ka fekerin dabka ay ku ciyaarayeen khatarta ka imaan karta!

Al-shabaab waan naqaan siday ku bilaabatay, Burcad-Badeedda waxaa iyada sameeyay Beesha Caalamka iyagoo sida waqtigan hadda la joogo si fudud loo fahmi karo in danta laga lahaa ay ahayd in gobollada Puntland xasiloonida laga qaado, waxayna fursad ka dhigteen dagaalladii dhex maray kaluumaysatadii aajnabiga ahaa iyo kuwii reer Puntland ee lagu soo xad gudbay, waxayna lacago faro badan siiyeen kaluumaysatadii reer Puntland dhinnaca kalana waxay dunida ka dhaadhiciyeen in dhalintaas ay yihiin Burcad-Badeed goysay waddadi ganacsiga adduunka ee badda-cas iyo tan hindiya, runtii qorshahaas waa dhaqan galay, nasiib wanaagse Eebbahay madax-weyne Cabdi-Raxmaan Faroole buu u soo diray iyadoo halistu marayso heerkii ugu xumaa….

Xeebaha Soomaaliya waxaa dul heehaabaya ilaa 670 markab (sida uu ku waramay waziir ka mid ahaa xukuumaddi Cumar Cabdi-Rashiid 2009kii) oo si xoog sheegasho ah uga kalluumaysanaya, maraakiibtaas oo isugu jira noocyada jariifka, iyo kuwo kalluunka loogu diyaariyo warshadaha iyo kuwa qaboojiyaal wata oo lagu raro waxaa laga kala leeyahay dalalka dunida oo dhan, waxaase ugu badnaa dalalka Jabaan iyo Talyaaniga, waxaana ilaaliya oo isu kaashaday maraakiibta dagaalka oo ka kala socda qaaruumo kala duwan, haddii aan si kala u dhigno Beesha Caalamka waxa loogu yeero waxay eryeen Burcad-Badeeddii Soomaalida waxayna xeebaheena ku ilaalinayaan Burcad-badeedoodii…

Annaga wali waa layna qaxinayaa, dalkiina waxaa lagu soo gurayaa shisheeye qaabab kala duwan ku imaanaya, waxaana intaas dheer ciidammada layska soo hor mariyay, ciidammada Afrikaanka ah ee mushaarka ay siiyaan Beesha Caalamka, hadda xasuusnow, XIl-dhibaannada golaha shacabka Beesha Caalamka ayaa mushaarka siisa, Xukuumadda Soomaaliya, Beesha Caalamka ayaa mushaarka siisa, Beesha Caalamka ayaa dowladda ka saaratay Ku-meel-gaarnimmadii! (Afrikaanka way taageereen) marka intaas oo dhan waxay ka marqaati kacaysaa in dowladdii Soomaaliyeed wali maqantahay, dowlad Soomaaliyeedna waxay imaan doontaa markaan innaga soo doorano Xil-dhibaannadeenna, iyo Madax-weynaha dalkeena, isla markaasna canshuurta laynaga qaado mushaaro loo siiyo….Mindhaa kula fogaa inay taas dhacdo!

Axmed-yaasiin Max’ed Sooyaan.
alle_yaqaan99@yahoo.co.uk

_______________

Raxanreeb.com Waxa ay Tixgelin Gaara Siinaysaa Maqaaladaha Sida Gaarka ah Loogu soo Diro ee aan Lagu Daabicin Mareego kale.

QORAAGA AYEY U GAAR TAHAY QORAALKAAN LOOMAMA FASIRAN KARO TAN RAXANREEB.COM CIDII RABTA IN AY SI GAAR AH MAQAAL AMA FIKRAD U SOO DIRTO RAXANREEB WAXAA LOOGU SOO HAGAAJIN KARTAA ADMIN@RAXANREEB.COM

Use Facebook to Comment on this Post

Share

Minneapolis (RBC Radio) Shirkadda SOMTEL  Puntland ayaa sababo aan la sheegin uga hor joogsatay War-Baahinta SHabakadda Raxan-Reeb Online, SOMTEL oo dhowaan bilowday inay ka shaqayso gobollada Puntland ayaa talaabada ay qaaday waxay ka hor joogsatay dhammaan aqristayaasha ku nool deegaannadaas inay daalacdaan bogagga kala duwan ee War-Baahinta Raxan-Reeb, xanibaaddan oo muddo toddobaad ku dhowaad ah hadda socota, ayaa waxaan jirin wax garowshiinya ah oo ay shirkadda SOMTEL ka bixisay cabashooyinka uu maamulka Raxan-Reeb ka gudbiyay tallaabada ay qaaday shirkadda.

Ma jiro wax dhex maray ama khilaaf nooc kastaba ha ahaadee SOMTEL iyo War-Baahinta Raxan-Reeb, xiriir kasta oo shirkadda lala sameeyeyna ma uusan noqon mid miro dhal ah, waxaana intaas dheer sida ka muuqata jawaabaha ay bixiyeen xubno ka mid ah madaxada sarsare ee shirkadda inaysan jirin wax xurguf ah oo labada dhan horay u dhex maray ama haddaba dhex yaal, mana jirto sidii ay ballan qaadeen wax ay ka qabteen.

Magaalooyinka sida tooska ilaa hadda looga xanibay in laga booqdo Website-ka Raxan-Reeb Online ayaa kala ah magaaladda Qardho ee xarunta gobolka Karkaar iyo magaaladda Boosaaso oo ee xarunta gobolka Bari,iyadoo ay waliba jiraan kuwo kale oo ay cabasho ka imaanayso.

Faarax Caato , oo isagu ah madaxa iyo tafaf-tiraha guud ee War-Baahinta Raxan-Reeb islla markaasna ah ninka iska leh ayaa talaabadan ku tilmaamay mid daba-marsan qaynuunka caalamiga ah ee Internet-ka isla markaasna meel ka dhac ku ah xuquuqda ay dad-weynaha u leeyihiin inay ka faa’idaystaan adeeggaas.

Ma ahayn wax horay looga bartay in shirkadaha ganacsiga adeeggii ay iibinayeen ay macaamishooda qaar ka hor joogsadaan kuwa kalana ka iibiyaan,. Waa ay dhici jirtay in marar badan madaxda siyaasadda ay xanibaan bogagga war-baahinta qaarkood, waxaase ugu ku ah saxaafadda in shirkad gaar loo leeyahay oo waliba ganacsigeedu ku mataansayahay saxaafadda ay hor joogsato bog ka mid ah war baahinta madaxa banana oo u adeegya mijtamac weynaha macaamisheeda ah.

Si kastaba ha ahaatee, ururka war-baahinta Puntland (MAP) ayaa horay baaqyo uga soo saaray bogag badan oo ay horay u xanibeen shirkadaha Internet-ka, waxayse tallaabadan gaar ku tahay shirkadda Dahab-SHiil Group oo iyada iska leh SOMTEL, waxaana natiijada baaritaanka ay waddo War-Baahinta Raxan-Reeb aan idinku soo gudbin doon qaybaha soo socda.

Use Facebook to Comment on this Post

Share

Soomaaliya mar kale dhiig waa loogu Wan-qali! ( Qaybtii III-aad)
Axmed-yaasiin Max’ed Sooyaan
alle_yaqaan99@yahoo.co.uk
Maajo 14 2014

{ argagixiso!! Ma moodaa in eryganuu yahay midka dunida reer galbeedka looga yaqaan magac ahaan muslimiinta, maxaa marka diidaya annaaga oo dhan oo Soomaali ah, inay inoo yaqaanaan Al-shabaab?!…. }

Maxaa loo Keenay ciidmmada Afrikaanka?! Kaaf iyo kala dheeri!!… meesha laynoo wado iyo waxa laynaga damcay iyo dakayaga waxa ay ku dhaqmayaan aad bay u kala fogyihiin, taariikhda dib u fiiri, wali lama hayo dal la qabsaday oo baryo looga kacay, aad waxaan ugu niyad samahay in guud ahaan shacabka Soomaaliyeed ay fahamsanyihiin xaaladda guud ee dalka ka jirta, mar haddii ay garashadaas jirtana iguma jirto wax baqdin ah ee aayaha dadkayga iyo dalkayga, waxaanse ogahay in laynoo hayo kuwo badan oo ina lug-gooya, oo la siinayo magacyo; sida; Madax-weyne, Ra’iisal wazaare, Gudoomiye Barlaman, Waziir,… Hagar-daamooyin aan wali ka il-bixi la’nahay!….

Markii la doortay Cabdullaahi Yuusuf Axmed, ayaan waxaan aad ula yaabay in dowladda Maraykanka oo markii horaba dabeecadda ay shirka Mbagathi ku joogtay aad moodaysay inay kor-joogto ahayd ayaa ka caga-jiiday inay si cad u soo dhoweyso madax-weynaha la doortay, arrintan waxay hor joogsatay taageero xagga ciidammada ahayd oo ay balan qaadeen madaxdii Afrikaanka ahayd ee shirka fadhiday, siiba Yuweri Kaguta Musevane, madax-weynaha Uganda, oo isagu aad ugu cad-caddaa arrintaas.

Hasa ahaatee waxay arrimuhu is bedeleen markii uu shaqayn waayay Hawl-gal ay diyaarisay dowladda Maraykanka oo loo baxshay Golaha La Dagaalanka Argagixisada! Oo ay hor kacayeen qab-qablayaashii Muqdisho si loo burburiyo cududdii Ururkii Midowga Maxkamadaha, tani waxay soo dedejisay in dowladda Maraykanka ay aqoonsato dowladdii iyo madaxdii maamulkii lagu soo dhisay Mbagathi ee ay hor kacayeen Cabdullaahi Yuusuf Axmed iyo Cali Max’ed Geeddi, waxay isla markiiba dowladda Itoobiya ka codsatay ciidamo taageerra dowladdaas….. laakiin dhab ahaan taageerrada Maraykanka waxay ku salaysnayd in ciidammada Itoobiya ay fuliyaan hawl-galkii ay fulin waayeen qab-qablayaashii Muqdisho…..

Waxaa arrinta uga sii daray soo shaac bixii Al-shabaab, waxaana loo fasaxay ciidmmada Itoobiya inay gudaha ciidda Soomaaliya ka soo qabsan karaan wixii ka gala sababo lagu qeexay ammaanka Itoobiya ilaa markii dambe hawl-galkii la ballaariyay oo ciidamo midowga Afrika ah la keenay (African Union Mission In Somalia) AMISOM, hasayeeshee hadafku wali wuxuu yahay la dagaalanka Argagixisada!….Haa Xasan SHiikh Max’ud bay ilaaliyaan, madaxda kale oo dhan bay ilaaliyaan, iyo waliba dhismayaasha muhiimka ah…waxyse u joogaan la dagaalanka Argagixisada?!….

Argagixisada la-dagaalankeeda goormuu Soomaaliya ka dhamaanayaa?! Bal adigu malee!….dad wada Muslim ah (99.9%)….1991-2006 waxaan ku jirnay dagaal laysku kaaya fiirsanayay, markii la soo gaaray 2006, waxaa bilowday la dagaalanka Argagixisada iyadoo waliba uu dagaalkii dhexdeena ahaa wali marar badan sidii u qarxaayo, waliba mar kastana laysku keen fiirsanayo siyaasadda ciidammada dalka lagu soo gurayana lagu macnaynayo inay tahay Nabd-Gelyo Ilaalin!! Yaab!.. Waali aan kaa yaabin waali ma aha…..

La-dagaalanka Argagixisada ee ka socda Soomaaliya mid dhowaanahan dhammaanaya ma aha….bal fiiri dalalka sababah noocaan oo kale ah lagu galay….Afghanistaan sanadkii 2001, muddo 14sano ah ka hor baa la galay walina fari kama qodna, macnaha inta Afghanistaan la haystay iyo in ka badan qiyaastii waa layna sii haysanayaa sida shaxda la jeexay ay tahay ilaa inta…. Maxaa intaas ka daran?!

Malaha waxa dalkeena lagu samayniyo waxay tijaabo u yihiin hir gelinta waxaa loogu yeero Nidaamka Dunida Cusub (New World Order), mushaar baa lagu siinayaa, beero ma falanaysid, waa laguu falayaa, warshado ma yeelanaysid laakiin warshadaha Beesha Caalamka !…. Ciidan ma yeelanaysid, madaxdaada iyo xil-dhibaannadaada annaga ayaa mushaarka siinayna, laakiin dowlad baad tahay!…Waa Nidaamka Dunida Cusub! Fari kama qodna siyaasadda Beesha Caalamka ee ku wajahan Soomaaliya.

“ Gudini Geed Ma Gooyso Ee Geed Kalaa Ku Gooya Hadaan Gaalo Islaam Wadan Nama Soo Gasheen!”
In-dheer Garad Soomaaliyeed.

Axmed-yaasiin Max’ed Sooyaan.
alle_yaqaan99@yahoo.co.uk

_______________

Raxanreeb.com Waxa ay Tixgelin Gaara Siinaysaa Maqaaladaha Sida Gaarka ah Loogu soo Diro ee aan Lagu Daabicin Mareego kale.

QORAAGA AYEY U GAAR TAHAY QORAALKAAN LOOMAMA FASIRAN KARO TAN RAXANREEB.COM CIDII RABTA IN AY SI GAAR AH MAQAAL AMA FIKRAD U SOO DIRTO RAXANREEB WAXAA LOOGU SOO HAGAAJIN KARTAA ADMIN@RAXANREEB.COM

Use Facebook to Comment on this Post

Share

Jawaari iyo Xasan: Tun-jileecay Xil-DHibaannada ku arkeen faro badanaa!…..
Axmed-Yaasiin Max’ed Sooyaan
alle_yaqaan99@yahoo.co.uk
Oktoobar 11 2015

Waxaa yaab ah!! Oo wax aan la qaadan karin ah xagal daacinta uu ninka Jawaari la yiraahdo ku hayo hawlaha Golaha SHacabka, waxaan marar badan arkayaa Xil-DHibaannadu arrintoodu inay tahay gacan gadaal ka baqaysa, isla markaasna ay xaaladooda waxba aysan ka duwanayn sddexdii dibi ee libaaxu isku diray waana tun jileeca ay arkeen Xasan SHiikh Max’ud iyo ninka kula shirkoobay xafiiska madaxtooyada ee dib ugu soo noqday burburinta golihii uu Guddoonka u ahaa ee Xil-DHibaannada ee Jawaari!…waa YAAB mana YARA!…Max’ed Cusmaan Jawaari!….

Xil-DHibaanada maxaa ka si ah, Xasan iyo Jawaari maxay sidaas ugu dhiirranyihiin? Wax weyn baa innaga qarsoon! Lacago dalka Qadhar ka yimaaday waa la sheegay! Heshiisyo David Cameron iyo Xasan SHiikh Max’ud si gaar ah u soo galeen oo la ilaalinayo waa la sheegay! Nicholas Kay inuu wakiil Qarammada Midoobay iyo Ingiriiskaba u yahay waa la sheegay!…..Xasan SHiikh Max’uud sababo badan oo uu ku argagax-geliyo Xil-DHIbaannada waa la sheegay, laakiin xaqiijin aaway?!…ma laha!…mana dhihi karno Ilo Sir-Doon ah baa sheegay oo Soomaaliya maba laha Sir-Doon! Laakiin calaamadaha muuqda oo dhan waxay muujinayaan in arrimahaas wax ka jiraan.

Hadda ogow ciidamo badan oo Soomaaliyeed oo maanta dalka jooga ayaa loo soo taba-baray inay u adeegaan ama la shaqeeyaan Sir-Doonka dalalka Soomaaliya deriska la ah ama danayniya arrimaha Soomaaliya!…Wax badan oo innaga halaysanna waxaa sabab u ah adeegayaashaas ku dhex jira hay’adaha dowladda Soomaaliyeed oo hawsha ugu muhiimsan ay hayaan ay tahay inaysan soo noqon kalsooni dambe oo dhex marta ummadda Soomaaliyeed, bal aan is weydiinee maxaa keenay in Xil-DHibaannadu wixii la doonto laga samaysto?!….arrintu ma aha hadallada aan iska barannay ee waliba aan hubo in badan oo ka mid ah in afka laynoo geliyay”…Mooshin kasta lacag in lagu qaato baa loo keenaa!…Mooshin kasta waa la noqdaan oo laaluush bay qaateen!…” Yaahuba wararkaas?!…

Waa inaan fekernaa, ma aha wax dhici kara maalin kasta in Xil-DHibaanadeenna laynoo caayo annagana aan wixii lagu caayo si hiyi-kac iyo caadhifad ay ku jirto aan markiiba ula boodno oo aan af-lagaadadooda shaqo ka dhigano, yaa ka wadanisan Xil-DHibaannadeena? Tani ulama jeedno inaysan wax khalad ah lahayn, hasa yeeshee ma la hubaa sida aan u eedayno inaan anngu uga fiicannahay?!..Xil-DHibaannadu waa niman dalkoodii jooga iskuna dayaya inay u adeegaan laakiin lagu haysto!…waa niman kuwa ilaaliya iyo kuwa ay ka ilaalinayaaba ay labadaba handaad ku yihiin oo aysan waxba u ahayn! waa niman shacabkoodii laysku diray iyagana lagu diray!…DHibta ay qabaan Alle un baa og!..waxaa intaas oo dhan ka daran Xasan SHiikh baa madax-weyne u ah Af-Hayeenna Jawaari!…

Marka aad qiimayso intaas oo dhan waxaad garowsanaysaa in Xil-DHibaannadu mudanyihiin in loo cudur-daaro, waxaadna garanaysaa meesha uu ka yimid tTun-Jileeca ay Xasan Iyo Jawaari bidayaan Xil-DHibaannada!….bal adigu u fiirso shirkii xeer-jajabka ku salaysnaa ee Maxamed Cusmaan Jawaari uu shalay (OCT.10,2015) soo qabanqaabiyay Ra’iisal Wazaarihii DHamaa baa wakiil ka ahaa Xasan SHiikh Max’uud..Yaab! wali waxaan kala garan la’ahay inay indhahayga ahaayeen iyo in Cumar Cabdi-Rashiid SHar-Ma-Arke uu shirka dhex fadhiyay!….Waaba Geelii Oo Labada Hore Habeed Ku Leh!….

Seddexdaas mas’uul xafiisyadooda oo dhan wada maray aadna moodo inay ku soo heshiiyeen inay dhan uga soo wada jeesteen nin kasta oo iyaga ka mid ah oo Xil-DHibaannadu mooshin ka keenaan, runtii waa calaamad laga dheehan karo inta ay la egtahay xil-kasnimo darrada iyo sida loogu tuntay qaynuunka, wanaa calaamad kale oo ku tusaysa inaysan dhowranayn haybaddii siyaasadeed ee ay huwanaayeen taasoo macnaheedu yahay ma aqoonsanin awoodda shacabka! Isla markaasna muujinaysa in Xil-DHibaannadu ku shaqayniyaan xaalad qalafsan oo ay khatar ku suganyihiin laakiin ay ku shaqayniyaan dadnimo iyo karti salka ku haysa dareenka xilka ay qaadeen!!

Waxaa jira xubno ka mid ah Xil-DHibaannada oosida la sheegayo fariimo handadaad ah marar badan loo soo diray waxaana ugu horeeya Xil-DHibaan Cabdi Barre Yuusuf Jibriil, sidaasoo kale waxaa iyagana la handdaday Xil-DHibaan Goodax Baree, waxaana hadda soo baxaya warar aan la xaqiijin oo sheegayay in handadaad lagu sameeyay Xil-DHibaannadaii ka qayb qaatay bar naamijkii Dood-Wadaag bishii September30, 2015, Maxm’ed Cabdi Yuusuf iyo Cabdi Xaashi Cabdullaahi, waase weydiinee intee in la eg bay socon kartaa caga juglayn, xalse ma lagu gaari karaa waaba haddii ay jirto?!….

Sida hadda ay tilmaamayaan xogaha qaarkood in mooshinka Xasan Shiikh Max’ud la hor joogsado waxaa aad ugu ololeyniyanya Nicholas Kay iyo waxa loogu yeero Beesha Caalamka, taasoo lagu macneeyay in mooshinku wax u dhimayo heshiisyo gaar ah oo aysan waxba kala socon golaha barlamanka oo fulintooda Xasan SHiikh Max’ud ay u xil saartay waxa Beesha Caalamka loogu yeero, hasa ahaatee waxaa, wax badan oo layska dhaadhiciyay oo ay ka mid ahaayeen in Xil-DHibaannadu aysan waxba kala garanayn, in Xil-DHibaannadu baahanyihiin taasna laga faa’idaysan karo si wixii la doono looga fushado,waxaas oo dhan waxaa beeniyay sidii uu ku dhammaaday shirkii shalay oo ahayd mid ay ku hungoobeen cid kasta oo sidaas ku soo tashatay….waxaa yaab leh waaba layna yaqaanaayee waxa layna mooday!…

Waxaa balan inoo ah inuu talada haday xumaato iyo haddii ay fiicnaato Barlamanku yeesho, Xil-DHibaannadu waa baahanyihiin, waab halka uu ka yimid Tun-Jileeca ay Jawaari iyo Xasan SHiikh ku tuhmeen Golaha SHacabka, waxayse hilmaameen in Xil-DHibaannada uu shacabkooda baahanyahay, shacabkooda bukto qabo, shacabkooda dalkooda ku dulaysanyahay sidaas aawgeedna aysan u cuntamayn! Wali wax badan baa is huwan!…..Mooshinkan waa in Golaha SHacabku uu go’aan ka gaaro natiijada kama dambaysta ahna waa inay noqotaa go’aanka ay u codeeyaan inta badan Xil-DHibaannada, waxaana talo wanaagsan ah oo nidaamka uu qabaa in xafiis kasta uu garto waajibaadkiisa isla mar ahaantaasna uusan ku xad gudbin Qaynuunka.

Use Facebook to Comment on this Post

Share

Qabyaaladi qiil male!!
Cabdinuur Faarax Maxamuud
Email-abdinuur02@gmail.com
Ama guuleed72@hotmail.com
Oktooobar 13 2015

Cabdinuur Faarax Maxamuud

Sallamulahi caleykum Da,yarta Soomaali,iyo qof kastoo daris la ah qabyaalad Waxaan Alle weydiisanaya inuu wanaaga ii waafayo aniga iyo dhammaanteen-baa

Ujeedkeygu waa waano iyo dhiiri galin..

Qormadan waxaa igu kalifay markii aan marti u noqday Nin ila mida ama iga dal liita markii aan arkay heerka qabyaaladu ka gaartay da,yarta Soomaaliyeed & qorshe la,aanta dhallinta waa qormo si gaara ugu socta Dhallinta Soomaaliyeed.. Walaaleyaal Qur”aanka iyo Xaddiistuba waa ka Digeen qabyaalada` shaqsiga haku qaymayn qabiil ama qabyaalad ee ku qiimeeh shaqsi nimadiisa ku qiimeeh aqoontiisa iyo dadnimadiisa..

Maxay kubaday qabyaaladi? Maxay kusoo kordhisay? Maxaad ka faa“iiday? ma lasiman tahay Dhallinta adduunyada kale? ma tahay mid ku faana qaran? Mise waxaad ku faanta qabiil iyo qabyaalad?xaggeebay ku garsiisay qabyaaladi..

Haddii aad raadiso su”aalahas jawaabtooda u malayn maayo inaad si deg deg uga jawaabi kartid laakiin haddii aad jawaab deg deg ka bixiso waxay noqonaysaa, sidaan

Qabyaalad waxaan ka dhaxalay Qaran la,aan, waxan ka dhaxalay qabiil, qaxootinmo, kala qoqobka Qarankeygii, qoorsi qof walaalkaaya IWM..

Siyaasad ku dhisan qabyaalad ayaa dumisay qarankeenni danaysta doonaya inuu qabyaalad kaaga dhigo Qaran ayaa mugdi galiyey mastqabalkii dhalinta Soomaaliyeed wili dhallinta Soomaaliyeed kama fakarin halka ay ku socdaan waxaad (Qori) u qaaday qabqable kala qoqobay qarankaagii wax qiila oo ,uu ku hayana aan la aqoon qadarintii aad Qarada ku lahaydnaa ,kaa reebay dhallin yaro aan is daba qabano CAANO DAATAY DABADOOD LA QABTAAY…

Ummad waliba waxay guul iyo gobonimo ku gaarta dhalinyaradeeda xoogga dal Qarad ama qoys waa dhalinta Haddii dhallintu noqoto kuwo ku fikira hormarka iyo midnimadda ummaddooda waxaa xaqiiq in ummaddaasi guuleysto..

Dhallintii Soomaaliyeed waxaa kudhacay jaha wareer, laga soo bilaabo 1991, waxay marti u noqdeen qaran la,an taasoo meesha ka saartay in dhallinta Soomaaliyeed kala garan wayaan qaran iyo qabiil..

Qabyaalad aan qiilahayn dhalinta

Dhallinta Soomaaliyeed markii ay wayeen Qaran Soomaaliyeed waxay qiil ka dhigteen qabyaalad in kastoo qabyaaladu saamaysay dhammaan ummadda Soomaaliyeed intooda badan laakiin jiilashii soomaaliyeed ama da,yartii Soomaaliyeed waxay aad ugu milmeen qabyaalad taasi waxay meesha ka sartay quwadii iyo cududii dhallinta Soomaaliyeed, iyagoo u kala jajabay hannaan qabyaladeed` oo kala qoqobay da,yartii ummadda Soomaaliyeed..

Waxaad arkaysaa dhalinta jogta dalkii iyo kuwa joga qurbaha inay ka siman yihiin qabyaalada waxaad baraha ama goobaha bulshadu ku kulanto ku arkaysaa ra,yi qaldan kuna saleysan qabyaalad iyo qabiil tasoo curyaamisay in dhalinta Soomaaliyeed ku fikiraan midnimada ummaddooda..

Maxaan ka dhaxalay qabyaalada?

Maxaan ka dhaxalay qabyaalada?Waxaan ka dhaxalay ama aan ka faa” iidnay Qaran la, aan bahsan xaqootinimo qabqable loo adeego shaqo la,aan baahsan waxaan ka
faa’iidnay qorshe la,aan walaaleyaal qabyaaladu waa qurun aan qiilahayn ee aan ka fogaan..

Taas badalkeedna -an ku badalo inaan raadino qarankeennii Soomaaliyeed iyo aayo ka talinta dhulkeenna nin qabyaalad cuskaday walee inuusan qaran noqon (Nabigeenu Sallahu calayhi wasallam),,wuxuu yiri qabyaaladi waa qorun ee ka dheeraada..

Dardaran ku socda dhalinta soomaaliyeed

Dhammaan dhallinta soomaaliyeed ama da’ ayrta ummadda soomaaliyeed waxaan u soo jeedinaya inay iska daayaan qabyaalada iyo qabiilaysiga shaqsiga dhalinyarada ee jooga qurbaha waa inuu fiirsho qiimaha uu ku leeyahay qurbaha iyo dal uusan lahayn maxaa laguu yaqaan? haddii aan kaaga jawaabo waxaa laguu yaqaan Soomaali laguuma yaqaan rer) Qansax ama reer qurac sidaas darteed waa inaan ku fekero inaan ka fogaano qabiilaysiga iyo qabyalada..

Waxaan idin sheegaya dadka waweyn ee Soomaaliyeed wanaag iyo xumaanba wey soo qaateen waqtigoodii Maantana xilku ama mas ‘uuliyadu waxay saran tahay waa da ‘yarta Soomaaliyeed waxaa la,innaga sugayaa inaan Ummadeenna ka saaro silica iyo rafaadka ku habsaday qarankeenni..

Laakiin is weydiih waa goorma goorta aan ummdeenna hormarin karo? waa markii aan ka gudubno qabyaalada waa markii aan isku duubnaano kana guuro fekerka qabiilaysiga una gudubno fikir Qaran..

Ka xorow qabyaalad qabiilaysigu waa qaran la, aan

Inta aad qabyaalad dugsanaysid qaranimo kaa dheer

Waxaan ku soo koobaya Tuduc gabaya uu uu tiriyeye

DURRAAN A SHIRWAC

ü Hadaanaan isqabanoo- qoonyahow dhulkeenii

ü Qaranimo lasoo celin- in qariiradeenii

ü Qaaradoo dhan- laga jaro

ü Quwadaha shisheeyiyo- qowlaysataa weli
Qabanqaabinaysee- u istaaga qaranimo

Cabdinuur Faarax Maxamuud
Falanqeeye arrimaha bulshada
Midnimadu waa guul

Use Facebook to Comment on this Post

Share

Soomaaliya mar kale dhiig waa loogu Wan-qali! ( Qaybtii IV-aad)
Axmed-yaasiin Max’ed Sooyaan
Axmed-yaasiin Max’ed Sooyaan.
Maajo 15 2014

Malaha waxa dalkeena lagu samayniyo waxay tijaabo u yihiin hir gelinta waxaa loogu yeero Nidaamka Dunida Cusub(New World Order), mushaar baa lagu siinayaa, beero ma falanaysid, waa laguu falayaa, warshado ma yeelanaysid laakiin warshadaha Beesha Caalamka !…. Ciidan ma yeelanaysid, madaxdaada iyo xil-dhibaannadaada annaga ayaa mushaarka siinayna, laakiin dowlad baad tahay!…Waa Nidaamka Dunida Cusub! Fari kama qodna siyaasadda Beesha Caalamka ee ku wajahan Soomaaliya.

In intee la eg baad tuhmaysaa in Al-shabaab ay Beesha Caalamka adeegsadaan si uu burburku u sii socdo?! Bal ka waran dowladda Qadar! Waxaa aalaaba soo noqnoqda inuu jiro xiriir xooggan oo ay la leedahay Al-shabaab, Qadar waa dal aad u yar baaxad ahaan iyo dad ahaanba , rubuc qarnigii la soo dhaafay, Qadar waxay si aad ah iskugu mashquulinaysay inay saamayn muuqato ku yeelato wajiga cusub ee siyaasadda dunida waxayna u xuub siibatay dulaal caalami ah ee xagga sir-doonka dunida siiba Bariga-dhexe, waxaana jiray in Qadar ay xiriir aan qarsoonayn la yeelatay kooxda Al-shabaab, waxayna wada-shaqayn xagga sir-doonka ah oo aad u dhow la leedahay dalalka reer galbeedka ah ee iyagu sida aadka faraha ugula jira arrimaha Soomaaliya.

Waxaa jirta in Qadar ay dalalka reer galbeedka qaarkood siiba dowladda Maraykanka ay ku eedaysay inay gacan saar la leedahay kooxda Al-shabaab, xiriirkan oo sida la rumaysanyahay ah mid ay kula shaqaynayso sir-doonka caalamka, waxaana si weyn u soo if-baxay in Soomaaliya xataa saaxiibbadii danaha ay wadaageen aysan u soo joogsan inay caymiyaan, waxaana wali jira shaki weyn oo ah in dowladda Qadar ay dulaal ka tahay dhaqdhaqaaqa war-doonka aduunka ee ku wajahan Al-shabaab iyo guud ahaan Soomaaliya.

Maanta oo kale, May15, 1943kii ayeey ahayd markii ay dhallin yaro Soomaaliyeed oo ka kooban 13 wiil intay fariisteen go’aansadeen kuna dhawaaqeen waxa ay u doonayaan ummadda ay xoogga u yihiin! 71sano ka hor meeshii ay awoowayaasheen ka bilaabeen baad moodaa inay manta dib uu laabatay haddii aysan kaba fogeyn!….

{Alle ha u naxariistee gurigii DHeere Xaaji DHeere, wali waa aan xasuusnahay ee dabaqa ahaa ee jaraanjarada cariiriga ah lahaa, kuna yaalay afar-irdoodka Xamar-weyne, waana agagaarkaas meeshii ay ku taalay maktabaddii Cali Karaani ee ay imaan jireen Cabdul-Qaadir Sakhaawa-diin iyo Max’ed Xuseen…}

SYL (Somali Youth League) waxaa ay ku guuleysteen barnaamij weyn oo macnihiisu ahaa Soomaalinimo iyo gumeysi diidnimo, waxaa dhici jirtay in xubno Soomaali ah oo ka mid ahaa askarta Talyaaniga ay ay mushaarka ay qaateen ku deeqi jireen lacagaha uu baahanyahay xafiiska ururka …SYL, waa ay jireen xubno kale oo Soomaali ah oo la socday guumeysigii Talyaaniga ahaa, waxaase jiray….

Waxaa muuqatay guumaysttihii Talyaaniguna garowsaday inuu jiro faham siyaasadeed oo hoggaankiisii wata, fikradaas bilaabatay ee cajiibka ahayd waxay horseday in Qarammada midoobay ay garowshiinyo ka bixiso rabitaanka shacabkii Soomaaliyeed , waxaana golaha loo dhanyaay hadal ka jeediyay bishii maarso,1949 , Cabdullaahi Ciise Max’ud, waxaana xusid mudan in markii uu Cabdullaahi Ciise safriyay looga baahnaa inuu is talaalo, laakiin waxaa looga cabsday in la sumeeyo, waxaana la soo jeediyay inuu bedelkiisa in Max’ed Adan Muure (Nairobi buu hadda ku suganyahay!) meesha talaalka tago oo isaga talaalkii qaato haddii ay sun noqotana ….. Yaa yeeli lahaa manta, yaraase qof u qalma…..

Sida laga sheegay Alle ha u naxariistee Cabdi-Razaaq Xaaji Xuseen ayaa intuusan dhiman sheegay in isaga iyo madaxweynihii hore ee Soomaaliya Adan Cabdulle Cusmaan (Adan-cadde) ay ku balameen in hadba midkoodii dambeeyaa lagu dhinac xabaalo saaxiibkiis, sida hadda muuqatana waxaa uu oofiyay balntaas….jacaylka noocaas ah wuxuu salka ku hayay kifaaxii halgankii ay isla soo mareen….Adan Cabdulle Cusmaan, oo isagu uu doortay barlamankii ugu horeeyay ee ay ummadda Soomaaliyeed yeelato, xil-kasnimmadii iyo siduu ugu dhaqmay awoodda xafiiska loo dhibay waxay muujinaysay, xil-kasnimmada Barlamankaa iyo siday Alle hortii uga baqeen qofka ay u xuleen hogaanka ummadda!….

Axmed-yaasiin Max’ed Sooyaan.
alle_yaqaan99@yahoo.co.uk

_______________

Raxanreeb.com Waxa ay Tixgelin Gaara Siinaysaa Maqaaladaha Sida Gaarka ah Loogu soo Diro ee aan Lagu Daabicin Mareego kale.

QORAAGA AYEY U GAAR TAHAY QORAALKAAN LOOMAMA FASIRAN KARO TAN RAXANREEB.COM CIDII RABTA IN AY SI GAAR AH MAQAAL AMA FIKRAD U SOO DIRTO RAXANREEB WAXAA LOOGU SOO HAGAAJIN KARTAA ADMIN@RAXANREEB.COM

Use Facebook to Comment on this Post

Share

Use Facebook to Comment on this Post

Share

Soomaaliya mar kale dhiig waa loogu Wan-qali! ( Qaybtii V-aad)
Axmed-yaasiin Max’ed Sooyaan
alle_yaqaan99@yahoo.co.uk
Maajo 16 2014

{Amisom iyo annaga maxaan ku} dhamaysan doonaa?! Dowladaha waaweyn ee Maraykanka, Ingiriiska, Talytaaniga… maxay innaga soo dooneen? Waxaan filayaa dad badan oo ay ugu horeeyaan xubno ka mid ah siyaasiyiinta dalka hoggaankiisa haysa inaysan dhab ahaan ka jawaabi Karin weydiimahaas!}

Nin ka mid ahaa sarkiishii dowladda Kenya ee maamulaayay shirkii Mbagathi, waxaan u malayniyaa magaciisa inuu ahaa Ochieng, ayaa igu yiri “..labadii sano ee uu shirka Soomaalida ka socday Nairobi waxaan baranay waxa ay dadkaan yihiin, annagu Seminar bay inoo ahayd, waagii hore waxaan idin qabnay dad baxar ah oo aan la fahmi Karin,(Sophisticated) laakiin hadda waan idin baranay!…haddiise aan ku weydiiyo ma dadkaan meesha fadhiya (Ergedii shirka fadhiday) baa Soomaaliya caqligeedii ah mise dad kale idin ka maqan?!!….”

Seminar!…waxaan iyada shaki ku jirin in layna daraasadayniyay intii shirar laynooga yeerayay, laakiin waxaad moodaa dalalka deriska ah inay wax badan ka barteen sidaan u fekerno, dhaqankeena, iyo guud ahaan nolosheena, waxaana intaas oo dhan ka daran oo runtii iyagana u shaqaysay fahamkooda waxa qabyaaladdu dhaqankeena ka tahay……

Ochieng hadalkiisa bal ila faallee, aynu isku dayno inaan macnayno,aynu miiska soo saarno xaaladeena siyaasadeed ee guud ahaan dalkeena ku suganyahay, marka aad xarxariiqdo sida ay tahay dabeecadda siyaasadeed ee dalkeena dib u jaleec oo ila macnee hadalka ninkaas Kenyan-ka ah…

Waxaa ii muuqda in dowladaha waaweeyn ee danayniya Soomaliya deegaanka ay ku taal ama hantida iyo khayraadka dhex jiifa si ay taas u gaaraan iyago waliba waji inoo hayn ay marka hore rabaan inay inoo garba duubaan dalalka aan jaarka nahay, sida Itoobiya iyo Kenya, si ay taas u fududaatana inta hubkii laynaga dhigay baa layna yiri iyagaa amaankiina sugaya!……waxaa la dhex keenay guryaheenii, iyagoo inoo arka inaan cadowgoodii nahay, taasina waxay wax ka bedelaysaa tuhunkii ay ka qabeen muuqaalkeena, ama cabsidii ay araggenna ka qabi jireen!!…waxaa la siiyay awood si aan iyaga ugu dacwoon talo kastana u weydiino… taasina waxay siisay niyad ah inay iyaga innaga adagyihiin, innaga caqli badanyihiin, innaga…

Bal adigu dhab u fiiri waxa laynagu hayo, DULLI!… sanadkii 1992kii ayaa waxaan safaaradda Maraykanka ee Nairobi ku taal ugu imid koox mucaarad ah oo ka soo horjeedda dowladdii Daniel Arap Moi oo uu hor kacayay Oginga Odinga, oo markaas u dacwoonaya Smith Hempstone oo waqtigaas ahaa dan-jiraha halkaas u jooga Maraykanka, waxay u dhiibeen waraaq dacwad ah oo ay ku eedeyniyaan madax-weynaha dalka inuu hor taaganyahay in dalka laga dhaqan geliyo axzaabta faraha badan!…….inkastoo aan liqi waayay arrintaas, hadana, mindhaa waxaa isku qanciyay inaan badan kala socon mucaaradka iyo safiirka Maraykanka!!…

Annaga, waxaa hadda layna gaarsiiyay inaan qaadano waxyaabo aan iskala weynaan jirnay sida; inaan iyaga u kala dhuumano, inaan iyaga isku dacweyno, sax iyo khaladna waxay inoo sheegaan aan ku dhaqanno!… waa laynoo gediyay!….macnaha intaan lagadnay baa laynoo rogay….waxaadna moodaa in xikmaddu tahay ku taba barta, waan idin bajinaynaa…guryahooda baan idin dhex geynaynaa….

Siyaasadda noocaan ah waxay wax weyn ka bedeshay qorshihii hore ee dalalka Afrikaanka ah, siiba kuwa deriska ah, sida hadda muuqatana waa gabagabo tijaabooyinkii iyo barashadii ay dalalka deriska ah innaga rabeen, tusaale ahaan dowladda Kenya oo shacabkeedu bartay macaamilka Soomaalida iyo ganacsigooda waxy ku fekeraysay in la siiyo dadkeeda fursadaha mashaariicda dib-u-dhiska dalka Soomaaliya, sidaasoo kale Uganda ay ka fekeraysay inay xiriir sokeeye la yeelato Soomaaliya marka ay dowlad noqoto oo dadkeeda xirfadlayaasha ah (Professionals-ka) ay Soomaaliya shaqo ka raadsadaan…..hasa ahaatee hadda arrintaas wax weyn baa iska bedelay???!!…..waxaa muuqda dareen ah in dalka khariidadiisii la bedelayo…

{Intay Kaalinta SHacabka maqantahay wax kasta ha laga saxiixo, hadhowna sharci ha noqoto!}

DHibaatada dalka ku dhacday waxaa ugu muhiimsan inaysan jirin kaalin ay dad-weynaha ku leeyihiin arrimaha siyaasadeed ee dalka ka socda, waxaana la oran karaa waa arrin si ula kac ah oo qorshaysan loogu talo galay oo ay ka dambeeyaan waxa loogu yeero Beesha Caalamka, si arrin kasta go’aanka ay iyaga rabaan loogu dhameeyo, waxaanse xasuusinayaa dad sidaas u fekeraya, wax kasta oo xad gudub ku qaranimada dalka inaysan sharci noqon doonin, isla markaasna ay Barlamanka iyo xukuumaddu ay yihiin dad iyaga isa soo doortay oo aysan meesha ku imaan dad-weyne.!….

Axmed-yaasiin Max’ed Sooyaan.
alle_yaqaan99@yahoo.co.uk

_______________

Raxanreeb.com Waxa ay Tixgelin Gaara Siinaysaa Maqaaladaha Sida Gaarka ah Loogu soo Diro ee aan Lagu Daabicin Mareego kale.

QORAAGA AYEY U GAAR TAHAY QORAALKAAN LOOMAMA FASIRAN KARO TAN RAXANREEB.COM CIDII RABTA IN AY SI GAAR AH MAQAAL AMA FIKRAD U SOO DIRTO RAXANREEB WAXAA LOOGU SOO HAGAAJIN KARTAA ADMIN@RAXANREEB.COM

Use Facebook to Comment on this Post

Share

Gaalkacyo iyo Gaas
Asad Farah Mohamed (Heelo)
heelo111@hotmail.com
Oktoobar 22 2015

Asad Farah Mohamed (Heelo)

Magalada gaalkacyo waxay dhacdaa badhtamaha somaliya waxayna kalabadhaa guud ahaan dalka sida bari,galbeed,waqooyi iyo koofur waa marka latixraaco cilmiga barashada dhulka iyo cabirka dowladii somaliya ,waa magaalo leh dhul xeebeed dheer isla markaana kulmisatay hanti biri iyo mid badeedba, waa magaalo halbowle u ah iskuxirka ganacsiga siguud ee dalka sigaara dhanka xeebta iyo xududa ethopia,waa magaalo laga wada heli karo dhamaan dadka soomaliyeed waxaase u dheer taariikh mugweyn oo ay ku leedahay dalka somaliya hadii ay noqon laheyd boqortoyadii suldan Cali yusuf kenadiid,ururkii xaqu dirirka ahaa ee leegada iyo halyeeyadii kadhashay gobalka oo taariikhda somalida hormuudka u ahaa sida: halyeygii calanka alifay,horseedii leegada iyo madaxdii somaliya soo martay ee gobalka kasoo jeeday iyadoo ladhaho dadka reer gaalkacyo waa ka karti badan yahiin dadka kale, sidoo kale gaalkacyo waa magaalo leh han siyaasadeed iyo hormar muuqda.

Kadib doorashadii Madaxweynenimo ee dowlada somaliyeed ee puntland 08/01/2014 mudane Cabdiweli Maxamed Cali gas ayaa laga sugayey isbeddel guud oo uu kudhawaaqay kadib markuu xilka kuguuleystay sida dhanka ciidanka, aminiga , dhaqaalaha, xidhiidhka dibada iyo kaabayaasha dhaqaalaha,soocelinta dhulka maqan iyo sugida soohdimada puntland iyadoo taas laga duulayo ayaa madaxweynaha iyo wafti balaadhan yimaadeen magalada gaalkayo horaantii bishii august iyagoo shirar isdaba jooga kuyeeshay magalada isla markaana kudhawaaqay in ay magalada gar iyo gardaraba wax kabadali doonaan waxuuna madaxweynahu 13/augest/2015 kudhawaaqay seddex guddi oo dhamaantood kashaqeynaya hormarka gobalka Waxaa ay kala-yihiin saddexda guddi oo uu magacaabay madaxweynahu, Guddiga amniga, Guddiga dhaqaalaha iyo arrimaha bulshada, Guddiga horumarinta iyo qaabeynta magaalada Gaalkacyo ,waxyaabaha xusida mudan waxaa kamida in guddiga qaabeynta magaladu oo uu hogaaminayo wasiirka howlaha guud iyo gaadiida mudane cabdirashiid maxamed xirsi ay baneeyeen 46 xarumood oo dowladii somaliya laheyd sidoo kale labaneeyay hareeraha laamiga 12cm balac taas oo kor u qaaday bilicda iyo muuqaalka magaalada gaalkacyo amaanteedana ay leedahay dowlada puntland ee xiligaan hogaanka heysa, Xubnaha guddiga waxay isagu jiran dhammaan golayaasha dowladda ay ugu horreeyaan golaha wasiirrada,maamulka degmada iyo maamulka gobolka Mudug.

Waxaa isla markiiba magaalada lagadareemay isbeddel weyn sida: amniga,dhaqalaha,isusocodka iyo bilicda magalada waxuu madaxweynahu 9/9/2015 daah furay sanduukha hormarinta gobalka mudug iyadoo hadii lahirgaliyo uu kaciyaari doono qeyb libaaxle hormarka gobalka madama bulshada reer gaalkacyo usoo jeedsadeen dhanka hormarka,waxuu madaxweynahu dhagax dhigay ilaa afar wasaradood ,xarunta madaxtooyada gobalka ,suuqa ganacsi oo baaxad weyn,saldhigyo boolis,hey’ada wadooyinta punland (puntland higway authority),xarunta haweenka iyo jidad u dhisan qaab casri ah oo kaqeyb qaata bilicda magalada fududeeyana isusocodka gaadiida iyo adeega bulshada,waxaa kaloo kusoo batay magaalada dhismayaal casri ah oo aan wadanka ku badneyn iyo maalgashadayal(modern buildings and more investors) kuwaas oo wadanka u dhashay gaar ahaan gobalka taas oo cadeynaysa nabada iyo hormarka gobalka iyo sida loogu tartamayo in wax laga tabcado waxaa intaas dheer dhalinyarada oo gobalka kusoo noqotay iyagoo kahelay adeegyo ay kamid yahiin garoomo lagu ciyaaro oo u dhigma kuwey kadaawan jireen dhalooyinka iyo amni lataaban karo taasoo horseeday in ganacsigu furaado saqda dhexe habeenkii isla markaana dhaqaalahu kor u kaco.

Maxay Magaaladu Tabaysaa?

Iyadoo magaaladu wax laqabto magaalooyinka kale ee puntand hadana waxaa magaalada ragaadiyey qodobadaan hoos kuxusan sida:

1:Tayeynta iyo taaba galinta ila waxbarasho :gobalku malaha jaamacado waaweyn oo ardaydu ku hirato kadib waxbarshada heerka koobaad waxaana cadeyn u ah marka ardaydu dhameeyan iskuulada sare in ay aadan waqooyiga,koonfurta iyo bariga dalka iyagoo higsanaya in ay helaan waxbarsho dhaanta mida gobalka taas oo ardayga dalkiisa jooga kadhigaysa mid qurba jooga heer dhaqaale iyo heer xiriirba waxaase jira jaamacado gobalka kajira sida jamacada bariga Africa,oo u baahan tayeyn iyo maal galin si ay usoo saaran arday tayo leh.

2:Waxkaqabashada ilaha caafimaadka: guud ahaan gobalka gaar ahaan caasimada gobalka mudug malaha ila caafimaad oo tayo leh waxaan 13/4/2014 mareegaha warbaahinta ka akhriyey ayadoo maamulaha cisbitaalku u mahadcelinayo farmashiyaal iyo xawaalado usoo uruuriyey xoogaa dawo ah sababtuna waa cisbitaalka guud ee gaalkacyo oon laga helin wax lagu dabiibo dhalaanka,hooyada umusha ah,dhaawaca deg dega ah iyo dhayida bukaanka midna iska daa dhakhaatir sare sare oo ka howl galee marka laga reebo dhowr dhakhtar oo si isxilqaana ah xiliyo kooban u fadhiista iyo bulshada oo mar mar is xilqaanta waxaadna moodaa in ay kujirto meelaha aan wali dowlada iyo shacabku ku baraarugin ama aan la,jaan qaadin kacdoonka hormarka degmada .

3:Xidida u bixinta gafanayaasha naaxay: kadib dhisitaankii iyo hana qaadkii puntland waxaa meelo halbowle gobalka u ah heysta xubna gooniya kuwaas oo si ay kuyimaadeenba ku raagay xilka magaranayo taas macnaheedu ma dad kafiican ayaan jirin baa mise dowladaan awoodin in ay laxisaabtanto xubnaha bulshada badi u aragto inay ragaadiyeen horu-socodka gobalka maadama aragtida dowladu kamid aheyd reforms ama isbeddelo dhinackasta ah.

4: Xoojinta amniga: sida cad amnigu waa laf dhabarta nolosha aadanaha hadii uusan amni jirin cidna gobalka ma imaaneyso gaar ahaan degmada oo hormuud u ah waxaana magaalada caan ku ahaan jiray dagaalo xiligay rabaan qarxa kuwaas oo u baahan waxqabad muuqda oon ku ekaan inta madaxweynahu joogo.

5:Dhisida bilayaasha magaalada: sida national theatres ama goobo waaweyn oo leysugu soo baxo,bangiyo lacagaha lagu dirsado iyo kuwo lagu keydsadaba,xarumo waaweyn oo laga qaxweeyo sida hoteelo casri ah iyo jidad habeysan.

Gunaanad:

si ay magaaladu u gaadho aragtideeda dhow ee ah helida adeeg bulsho oo buuxa,adkeynta amniga,tayeynta waxbarshada,dhaqaalaha iyo aragtideeda fog ee ah in lahelo gaalkacyo oo caasimad u ah qaranka somaliyeed madama ay leedahay astaamo,saan saan qurxoon iyo riyo ah in ay noqoto caasimada dalka,waxaa lama huraan ah in dowladu xoojiso qodobada kor kuxusan iyadoo ku amaanan isbedelka lawada qiray ee uu horseeday madaxweyne gaas.

Qore:asad farah Mohamed (heelo)
Ciwaanka:heelo111@hotmail.com
Falanqeeye arimaha siyaasada dalka

Use Facebook to Comment on this Post

Share

Soomaaliya mar kale dhiig waa loogu Wan-qali! ( Qaybtii VI-aad)
Axmed-yaasiin Max’ed Sooyaan
alle_yaqaan99@yahoo.co.uk
Maajo 17 2014

{Qarammada Midoobay, dowlad kasta waa ka xubin, Soomaaliyana dadka Soomaaliyeed baa iska leh, sida dad kasta dalkooda u leeyihiin!}

Ifafaalaha muuqdaa qaranimmada Soomaaliya shaki baa la geliyay, walina waxaa si xawli ah u socda dhaqan dumin looga dan leeyahay in dadka lagu oggoleysiiyo wax kasta oo Qaranimadooda lid ku ah, waxaa ka mid ah waxyaabaha hadda dhegahooda la maqashiisiiyo madax-weynaha runta ah ee dalka waa Nicholas Kay!. .Allaylahay isagana waa isu ekeysiiyaa…

Ciidammada AMISOM Quruxdii ay ku yimaadeen ee ahayd inay ammaanka sugayaan waxaa ka soke maray fool xumada xaqiiqda ay u socdeen oo ah in lagu cabburiyo dadka Soomaaliyeed, la yaab ma lahayn in waajibaadkii askariga Soomaaliyeed lahaa iyaga la siiyo, la yaab ma lahayn in mushaarka Dablaha ciidamada AMISOM uu ka bilowdo $1050 halka kan Soomaaliga ah ee dhinaciisa ka dagaalamayay loo qoray $100-$150, maxaa yeelay sida muuqata waxa lagu tala galay ayaa ka duwanaa waxa laynoo sheegayo!….

Waxaa laynoo sheegay in ciidmmada AMISOM ay ammaanka suayaan lana dagaalamayaan Al-shabaab si dowladdu cagaha u dhigato, laakiin waxay noqdeen taba-barayaashii Al-shabaab!….waxaa laynoo sheegay in askar Soomaaliyeed la soo taba-barayo si ay gacan uga geystaan hawl galada amaanka lagu sugaayo laakiin inta hub la siiyay baa iyagoo gaajaysan oo aan wax dar-yeel ah haysan suuqa lagu sii daayay! Bal micnee adiga maxaa loola jeedaana….ma wax qarsoon baa jira?… waa ka xumahay! Waxa Beesha Caalamka loogu yeero inay intaas ka xariifsanyihiin baan moodayay!…

Hay’adaha aan dowliga ahayn (NGO), Xuquuqda Aadanaha (Human Rights) Xuquuqda Haweenka (Women Rights) Xuquuqda Dadka Laga Badanyahay ( Minority Rights) Xoriyadda Saxaafadda (Press Freedom)…Xuquuqda…yaa dhamayn kara, waa dad xoog is biday oo si ay u helaan sabab ay wax ku dilaan magacyadaas iyo kuwo la mid ah oo xiisado horseedi kara ku adeegta! Beesha Caalamka!.. hadda ogow dal kasta dastuurkiisa waxyaabahaas waa cadeeyay hadana waxa Beesha Caalamka la yiraahdo waxay u isticmaaleen sababo ay ku burburiyaan…waana sababihii asalka ahaa ee lagu burburiyay qarankii Soomaaliyeed walina iyagii baa laynagu wadaa!……

Marka caqliga iyo laga soo tago farsamooyinka xayladaysan ee laynagu kala dilay dhexdeenna haddan nahay Soomaali, marka laga soo tago sida loo dhaqan-dooriyay dhalin-yaradii ahayd laf-dhabrkii mujtamaca iyo horumarka dalka,(Qaad iyo Maan-dooriyeyaal kale), bal u fiirso maxaa ka socda degmooyink dalka eek u yaala xuddudaha dalalka deriska inala ah, ciidamo Itoobiyaan ah baa soo galay ciidamo Itoobiyaan ah baa ka baxay! Diyaarad Kenyaan ah baa duqaysay, diyaarad markab ka soo kacday baa duqaysay…. Dad baab’a , duunyo baab’aday, wax ku dhintay lama yaqaan, cid dishay lama yaqaan…. Waxa u dambeeya ee laguu sheegayana waxaa weeye in la beegsaday ARGAGIXISO!….

Marka aad adiga oo ah qof bini aadam ah, Muslim ah, Soomaali ah, xil-kas ah, wadankiissa iyo dadkiisaba jecel, waliba miyir qaba aad isku daydo inaad qiimayso arrintaas waxaad garowsanaysaa in dalkii laynaga qabsaday! Waxaad garowsanaysaa in dadkeenii la dulaystay loona duleyniyo sababo dhaqaale iyo kuwo diineedba!…

Ceebta ugu weyn waxay tahay in dowladda dhan(waa sida loogu yeero e’) ee meesha joogta, madax-weynaheeda, Ra’iisal wazaaraheeda, Af-hayeenka barlamankeeda, waziirradeeda, iyo xil-dhibaanadeeda ay gacmaha ka saarteen indhaha meel-ka-dhacyadaas khatarta ku ah jiritaankeena iyo qaranimadeenaba….

SHarafta aan lahayn iyo qaranimadii aan duminay waxaa lagu helay markii hore hawl adag, ilaa iyo maantadan dad baa sabteeda loo handadaa, loo xiraa, ama loo dilaa, sharafta ilmaha dhasho uu Eebbe ku karaameeyay in wan qalo waxaa ka horeysay in Eebe uu Bini –aadamka ku karaameeyay fadli uu dheeraysiiyay in badan oo uunkiisa ka mid ah, laakiin waxaa intaas oo dhan ka duwan in Guumeysigu sharafta qofka bini aadamka ah uu leeyahay uu ku garto marka dhiigiisa la daadsho!!… Waana….

{Dalkii in lagu soo noqdo baa Hiil u noqonaysa badbaadinta Qaranimadeenii}

Axmed-yaasiin Max’ed Sooyaan.
alle_yaqaan99@yahoo.co.uk

_______________

Raxanreeb.com Waxa ay Tixgelin Gaara Siinaysaa Maqaaladaha Sida Gaarka ah Loogu soo Diro ee aan Lagu Daabicin Mareego kale.

QORAAGA AYEY U GAAR TAHAY QORAALKAAN LOOMAMA FASIRAN KARO TAN RAXANREEB.COM CIDII RABTA IN AY SI GAAR AH MAQAAL AMA FIKRAD U SOO DIRTO RAXANREEB WAXAA LOOGU SOO HAGAAJIN KARTAA ADMIN@RAXANREEB.COM

Use Facebook to Comment on this Post

Share